ရိမ့ၤ 15:3 - Sgaw Karen Common Bible

³ အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

ရိမ့ၤ 15:3 Iomraidhean Croise

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

လံာ်မးသဲ 10:25

လၢတၢ်န့ၣ်အဃိပျဲၢ်မ့ၢ်ဂ့ၤ, ကုၢ်မ့ၢ်ဂ့ၤ, ကြၢးသးမံဝဲဖဲအလီၤဂာ်ဒီးအသရၣ်မ့ၢ်ဂ့ၤ, အကစၢ်မ့ၢ်ဂ့ၤန့ၣ်လီၤ. ပှၤမ့ၢ်ကိးဟံၣ်အကစၢ်လၢ ဘဧၤလးစဘူာ်ဒီး, ကကိးအပှၤဟံၣ်ဖိဃီဖိအါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 27:44

တမျာ်လၢအဘၣ်တၢ်ပျၤထီဃုာ်ဒီးအီၤခံဂၤစ့ၢ်ကီး, ဒုၣ်ဒွဲၣ်အီၤဒ်န့ၣ်အသိးလီၤ.

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 15:24

တၢ်မၤတဖၣ်လၢပှၤဂၤတမၤနီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါဘၣ်ဒီး, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ထံၣ်တၢ်လၢယမၤတ့ၢ်ဒီး အဝဲသ့ၣ်သးဟ့ယၤဒီးယပၢ်, ခံဂၤလၢာ်န့ၣ်လီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

လံာ်ယိၤဟၣ် 8:29

ဒီးပှၤလၢအမၢလီၤယၤတဂၤန့ၣ်, အိၣ်ဒီးယၤလီၤ. အဝဲတပာ်တ့ၢ်ယၤထဲတဂၤဧိၤဘၣ်. အဂ့ၢ်မ့ၢ်လၢယမၤအတၢ်ဘၣ်အသးထီဘိတထံၣ်ဃီအဃိလီၤ.”

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ဖံလံးပံၤ 2:5

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

ဖံလံးပံၤ 2:8

အဝဲဒၣ်ဆီၣ်လီၤအသး, ဒီးပိာ်ထွဲတၢ်ဒိကနၣ် ယွၤအကျဲတုၤတၢ်သံ, အတၢ်သံလၢထူၣ်စုညါအလိၤတစုန့ၣ်လီၤ.