ရိမ့ၤ 15:24 - Sgaw Karen Common Bible

²⁴ ယမုၢ်လၢ်လၢယကလဲၤဘၣ်ယဲခဲအံၤလီၤ. ယသးအိၣ်ဆၢထံၣ်ဘၣ်သုလၢယတၢ်လဲၤလၢကျဲဆူကီၢ်စပၤနံဒီး ယသးအိၣ်လၢသုကမၤစၢၤယၤဒ်သိးယကလဲၤတုၤတၢ်လီၢ်ဝဲန့ၣ်, ဖဲယနုာ်လီၤအိၣ်သကိးသုတစိၢ်တလီၢ်ဝံၤအလီၢ်ခံန့ၣ်လီၤ.

ရိမ့ၤ 15:24 Iomraidhean Croise

တၢ်ကတိၤဒိ. 25:17

လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.

မၤတၢ် 15:3

အဝဲသ့ၣ်ဘၣ်တၢ်ဆှၢလီၤအီၤလၢတၢ်အိၣ်ဖှိၣ်ဒီးဖဲအဝဲသ့ၣ် လဲၤခီဂာ်ကီၢ်ဖံၤနံက့ၤဒီးကီၢ်ၡၤမရံန့ၣ်, တဲဖျါထီၣ်ဝဲဘၣ်ဃးပှၤကလုာ်ဂၤတဖၣ်စူၢ်က့ၤနာ်က့ၤကစၢ်ယွၤ အဂ့ၢ်, ဒီးတၢ်ကစီၣ်အဝဲအံၤဒုးသးခုပှၤစူၢ်က့ၤနာ်က့ၤတၢ်ကိးဂၤ ဒဲးအဒိၣ်အအါလီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

ရိမ့ၤ 1:12

ဒ်ပစံးတၢ်အသိး, ပတၢ်ထံၣ်လိာ်ပသးကကဲထီၣ်တၢ်မၤစၢၤတဘျီဃီလၢသုဂီၢ်ဒီး ယဂီၢ်န့ၣ်လီၤ. ယတၢ်စူၢ်တၢ်နာ်ကမၤစၢၤသု, ဒီးသုတၢ်စူၢ်တၢ်နာ်ကမၤစၢၤယၤန့ၣ်လီၤ.

ရိမ့ၤ 15:28

ဖဲယမၤတၢ်မၤအံၤဝံၤ, ဒီးဟ့ၣ်လီၤစ့လၢပှၤထၢဖှိၣ်လၢအဝဲသ့ၣ်အဂီၢ်တဖၣ်အံၤခဲလၢာ် ဆူအဝဲသ့ၣ်အစုပူၤဝံၤဒီးယကလဲၤဆူကီၢ်စပၤနံဒီးနုာ်လီၤအိၣ် သကိးသုလၢကျဲန့ၣ်လီၤ.

၂ ကရံၣ်သူး 1:16

အဂ့ၢ်ဒ်အံၤ, ယကူၣ်ထီၣ်ဖးလီၤတ့ၢ်ယဲလၢယကအိၣ် သကိးသုဖဲယလဲၤလၢကျဲဆူကီၢ်မၤက့းဒနံ, ဒီးအသီတဘျီကဒီးဖဲယဟဲက့ၤလၢကျဲ, ဒ်သိးယကဒိးန့ၢ်တၢ်မၤစၢၤလၢသုအိၣ်လၢယတၢ်လဲၤဆူကီၢ် ယူဒၤအဂီၢ်န့ၣ်လီၤ.

၃ ယိၤဟၣ် 1:6

အဝဲသ့ၣ်စံးကတိၤတ့ၢ်တၢ်ဘၣ်ဃးဒီးနတၢ်အဲၣ်တၢ်ကွံ အဂ့ၢ်ဖဲတၢ်အိၣ်ဖှိၣ်အံၤန့ၣ်လီၤ. ဝံသးစူၤမၤစၢၤအဝဲသ့ၣ် ဒ်သိးအကလဲၤကဒီးတၢ်ဆူညါလၢတၢ်မၤသးခုကစၢ်ယွၤ အပူၤအဂီၢ်န့ၣ်တက့ၢ်.