ရိမ့ၤ 15:2 - Sgaw Karen Common Bible

² အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

ရိမ့ၤ 15:2 Iomraidhean Croise

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

1 ကရံၣ်သူး 10:23

“တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ,” အဝဲသ့ၣ်စံးဝဲဒ်န့ၣ်, ဒီးမ့ၢ်ဝဲတီဝဲလီၤ. ဘၣ်ဆၣ်ဒီးတၢ်ခဲလၢာ်ခဲဆ့တမ့ၢ်တၢ်လၢအဂ့ၤဘၣ်. “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ.” ဘၣ်ဆၣ်ဒီးတၢ်ကိးမံၤဒဲးတအိၣ်ဒီးအဘျုးအဖှိၣ်ဘၣ်.

1 ကရံၣ်သူး 10:24

ပှၤတကြၢးကွၢ်တၢ်လၢအတၢ်ဘျုးတၢ်ဖှိၣ်ဒၣ်ဝဲအဂီၢ်နီ တဂၤဘၣ်. မ့မ့ၢ်ကဘၣ်ကွၢ်တၢ်လၢပှၤဂၤအတၢ်ဘျုးတၢ်ဖှိၣ် အဂီၢ်လီၤ.

1 ကရံၣ်သူး 10:33

မ့မ့ၢ်, မၤဒၣ်သုဝဲဒ်ယမၤအသိးတက့ၢ်. လၢတၢ်ဖံးတၢ်မၤတမံၤလၢ်လၢ်လၢယမၤအီၤအပူၤန့ၣ်, ယဂုာ်ကျဲးစၢးမၤဘၣ်ပှၤကိးဂၤဒဲးအသးဒီးယတဃုဒၣ်ယဘျုးဒၣ် ယဲဘၣ်. မ့မ့ၢ်လၢပှၤခဲလၢာ်အဘျုးအဂီၢ်ဒ်သိးအဝဲသ့ၣ်ကတုၤ လၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

1 ကရံၣ်သူး 13:5

တၢ်အဲၣ်တၢ်ကွံတအိၣ်ဒီးလုၢ်အၢလၢ်သီမ့ၢ်ဂ့ၤ, တအဲၣ်လီၤ အသးမ့ၢ်ဂ့ၤ, တအ့စိၢ်အ့န့မ့ၢ်ဂ့ၤန့ၣ်ဘၣ်. တၢ်အဲၣ်တၢ်ကွံ တတိၢ်န့ၢ်ဖံးဃာ်တၢ်ကမူၤကမၣ်တဖၣ်ဘၣ်.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:3

မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.