ရိမ့ၤ 15:19 - Sgaw Karen Common Bible

¹⁹ ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

ရိမ့ၤ 15:19 Iomraidhean Croise

လံာ်မးသဲ 12:28

ကစၢ်ယွၤအသးမ့ၢ်ဟ့ၣ်ယၤတၢ်စိတၢ်ကမီၤလၢယကနီၣ်ထီၣ်ဟီထီၣ်ကွံာ်တၢ် နါတဖၣ်ဒီး, အအံၤမ့ၢ်တၢ်လၢအဒုးနဲၣ်လၢကစၢ်ယွၤအဘီအမုၢ်န့ၣ်ဟဲတုၤအိၣ်သု လံ.

လံာ်ယိၤဟၣ် 4:48

ယ့ၣ်ၡူးစံးဘၣ်အီၤ, “သုမ့ၢ်တထံၣ်ဘၣ်တၢ်လီၤလိၢ်လီၤလးဒီးတၢ်ပနီၣ်လီၤလး တဖၣ်ဘၣ်န့ၣ်, သုတစူၢ်က့ၤနာ်က့ၤတၢ်နီတဂၤဘၣ်.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 13:14

အဝဲသ့ၣ်ဟးထီၣ်လၢဝ့ၢ်ပ့ၢ်က့ၤဒီးလဲၤတုၤလၢဝ့ၢ်အၣ် တံၤအီာ်ဘၣ်ဃးဒီးကီၢ်ပံၤစံၤဒံ, ဒီးဖဲမုၢ်အိၣ်ဘှံးအနံၤန့ၣ်, လဲၤနုာ်လီၤလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီးဆ့ၣ်နီၤ ဝဲလီၤ.

မၤတၢ် 13:51

ဘၣ်ဆၣ်ဒီးပှၤတၢ်မၢဖိတဖၣ်တြုၤလီၤကွံာ်ဟီၣ်ခိၣ်ကမူၣ်လၢ အခီၣ်လၣ်ထီဒါအဝဲသ့ၣ်, ဒီးလဲၤဝဲဆူဝ့ၢ်အံၤကနံၤန့ၣ်လီၤ.

မၤတၢ် 14:10

စံးဝဲလၢအကလုၢ်ဖးဒိၣ်, “ဂဲၤဆၢထၢၣ်ဘျၢဘျၢတက့ၢ်.” ဖဲန့ၣ်, ပှၤခီၣ်ဟးဂီၤစံၣ်ထီၣ်ဒီးစးထီၣ်ဟးထီၣ်ဟးလီၤဝဲဒၣ်လီၤ.

မၤတၢ် 14:20

ဘၣ်ဆၣ်ဒီးဖဲပှၤစူၢ်က့ၤနာ်က့ၤတၢ်တဖၣ်လဲၤအိၣ်ဝးတရံးအီၤန့ၣ်, အဝဲဒၣ်ဂဲၤဆၢထၢၣ်ဒီးက့ၤနုာ်က့ၤဝဲဆူဝ့ၢ်ပူၤ, ဒီးမုၢ်ဆ့ၣ်ထီၣ်တနံၤန့ၣ်, အဝဲဒီး စီၤဘၢ်နါဘၤလဲၤဆူဝ့ၢ်ဒ့ၢ်ဘ့ၤလီၤ.

မၤတၢ် 14:25

အဝဲသ့ၣ်စံၣ်တဲၤတဲလီၤတၢ်သးခုအကစီၣ်ဖဲဝ့ၢ်ပ့ၢ်က့ၤဝံၤအလီၢ်ခံ လဲၤဝဲဆူဝ့ၢ်အးတါလံၤလီၤ.

မၤတၢ် 14:6

ဖဲပှၤတၢ်မၢဖိတဖၣ်သ့ၣ်ညါတၢ်ဂ့ၢ်အဝဲအံၤန့ၣ်, အဝဲသ့ၣ်ဃ့ၢ်ဆူဝ့ၢ်လူစတြၤဒီးဝ့ၢ်ဒ့ၢ်ဘ့ၤဘၣ်ဃးဒီးကီၢ်လူၤကီၤနံ, ဒီးဆူကီၢ်အိၣ်ဝးတရံးအီၤ,

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 16:18

ဒီးမၤဝဲဒ်အံၤအါနံၤအါသီ, တုၤစီၤပီလူးအသးဒိၣ်ထီၣ်ဒီးဃၣ်တရံးအသးဒီးစံးဘၣ်တၢ်နါန့ၣ်, “လၢယ့ၣ်ၡူးခရံာ်အမံၤအပူၤန့ၣ်, ယဟ့ၣ်လီၤယကလုၢ်လၢနကဟးထီၣ်ကွံာ်လၢပိာ်မုၣ်အံၤ အပူၤလီၤ.” တဘျီဃီဖဲန့ၣ်တၢ်နါဟးထီၣ်ကွံာ်လၢအပူၤလီၤ.

မၤတၢ် 17:10

ဖဲမုၢ်နၤတုၤဃီၤန့ၣ်, တဘျီဃီအပျဲၢ်အဘီၣ်တဖၣ်ဆှၢစီၤပီလူးဒီး စီၤစံလၤဆူဝ့ၢ်ဘ့းရံၤ, ဒီးဖဲအဝဲသ့ၣ်လဲၤတုၤန့ၣ်လဲၤနုာ်ဝဲဆူဘူၣ်ဘျီၣ်လၢအမ့ၢ် တၢ်ဘါအလီၢ်န့ၣ်လီၤ.

မၤတၢ် 17:15

ပှၤလၢအဆှၢစီၤပီလူးတဖၣ်လဲၤဃုာ်ဒီးအီၤတုၤလၢဝ့ၢ် အၤသ့ၣ်လီၤ. ဖဲန့ၣ်စီၤပီလူးမၤလိာ်ထွဲအခံဒ်သိးအကတဲ ဘၣ်စီၤစံလၤဒီးစီၤတံၤမသ့းလၢအကဟဲဆူအအိၣ်ချ့ချ့ တသ့ဖဲအသ့ဝံၤ, ဒီးအဝဲသ့ၣ်က့ၤကဒါက့ၤဆူဝ့ၢ်ဘ့းရံၤန့ၣ်လီၤ.

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:6

ဘူၣ်ကိၣ်တအိၣ်ဘၣ်ဒီးကိၣ်မံၣ်ဝံၤအလီၢ်ခံ, ပဒိးထီၣ်ကဘီဖဲဝ့ၢ်ဖံလံးပံၤဒီးဖဲယဲၢ်သီပူၤကွံာ်ဝံၤန့ၣ် ပထံၣ်လိာ်ပသးဒီးအဝဲသ့ၣ်ဖဲဝ့ၢ်တြိၤအါဒီးပအိၣ်ဖဲန့ၣ်တနွံလီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 15:24

ယမုၢ်လၢ်လၢယကလဲၤဘၣ်ယဲခဲအံၤလီၤ. ယသးအိၣ်ဆၢထံၣ်ဘၣ်သုလၢယတၢ်လဲၤလၢကျဲဆူကီၢ်စပၤနံဒီး ယသးအိၣ်လၢသုကမၤစၢၤယၤဒ်သိးယကလဲၤတုၤတၢ်လီၢ်ဝဲန့ၣ်, ဖဲယနုာ်လီၤအိၣ်သကိးသုတစိၢ်တလီၢ်ဝံၤအလီၢ်ခံန့ၣ်လီၤ.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

၂ ကရံၣ်သူး 12:12

တၢ်လီၤလးဒီးတၢ်လီၤတိၢ်လီၤဆီအါမံၤလၢအအုၣ်အသးဘၣ်ဃးဒီး ယမ့ၢ်ပှၤတၢ်မၢဖိတဂၤန့ၣ်, ဘၣ်တၢ်မၤအီၤလၢတၢ်သူၣ်စူၤသးစူၤ လၢာ်လၢာ်ဆ့ဆ့အပူၤလၢသုသိးသုကျါလီၤ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလီးစဲ 1:25

ကစၢ်ယွၤဒုးကဲထီၣ်ယၤလၢတၢ်အိၣ်ဖှိၣ်အခ့အပှၤလၢယကမၤ တၢ်ဂ့ၤလၢသုဂီၢ်, ဒ်သိးယကစံၣ်တဲၤတဲလီၤကစၢ်ယွၤအတၢ်ကစီၣ်လၢလၢ ပှဲၤပှဲၤန့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.