ရိမ့ၤ 15:17 - Sgaw Karen Common Bible

¹⁷ လၢတၢ်န့ၣ်အဃိ, ယပာ်ကဖၢလၢယသးသ့ဝဲလၢယတၢ်မၤလၢယွၤအဂီၢ်လၢ ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 15:17 Iomraidhean Croise

ရိမ့ၤ 4:2

အဝဲမ့ၢ်ဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ် တဖၣ်လၢအဝဲမၤတ့ၢ်ဝဲဒီး, ကအိၣ်ဒီးတၢ်တမံၤမံၤလၢကပာ်ကဖၢလၢအသးအဂီၢ်န့ၣ်လီၤ. ဘၣ်ဆၣ်ဒီးအဝဲပာ်ကဖၢလၢအသးလၢကစၢ်ယွၤအမဲာ်ညါ တသ့ဘၣ်.

၂ ကရံၣ်သူး 12:1

မ့တမ့ၢ်တၢ်လၢအဘျုးအိၣ်ဖှိၣ်အိၣ်သနာ်က့, ယကဘၣ် ကတိၤတၢ်ကဖၢလၢလီၤ. ဘၣ်ဆၣ်ဒီးခဲကနံၣ်အံၤယကကတိၤတၢ်ဘၣ်ဃးတၢ်ထံၣ် တၢ်လၢညါခီဒီးတၢ်လီၣ်ဖျါတဖၣ်လၢကစၢ်ဟ့ၣ်ယၤန့ၣ်လီၤ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 5:1

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢထီၣ် အီၤလၢပှၤဂီၢ်မုၢ်အကျါဒီးဘၣ်တၢ်ပာ်လီၤအီၤလၢကမၤကစၢ်ယွၤ အတၢ်မၤလၢပှၤဂီၢ်မုၢ်အခၢၣ်စးလၢအကလုၢ်ထီၣ်တၢ်မၤဘူၣ် ဒီးတၢ်လုၢ်လၢတၢ်ဒဲးဘးတဖၣ်အဂီၢ်လီၤ.