ရိမ့ၤ 14:23 - Sgaw Karen Common Bible

²³ ဘၣ်ဆၣ်ဒီး ပှၤတဂၤလၢအအီၣ်တၢ်လၢတၢ်သးဒ့ဒီအပူၤ န့ၣ်ကစၢ်ယွၤစံၣ်ညီၣ်အီၤဖဲအအီၣ်တၢ်အခါန့ၣ်လီၤ. အဂ့ၢ်ဒ်အံၤတၢ်မၤန့ၣ်တသန့ၤထီၣ်အသးလၢတၢ်နာ်အလိၤဘၣ်. ဒီးတၢ်တမံၤဂ့ၤတမံၤဂ့ၤလၢအတသန့ၤထီၣ်အသးလၢတၢ်နာ် န့ၣ်မ့ၢ်တၢ်ဒဲးဘးလီၤ.

ရိမ့ၤ 14:23 Iomraidhean Croise

ရိမ့ၤ 13:2

မတၤတဂၤဂ့ၤတဂၤဂ့ၤလၢအထီဒါပဒိၣ်ပပှၢ်လၢအအိၣ်ထီၣ်တဖၣ် န့ၣ်ထီဒါတၢ်လၢယွၤပာ်လီၤဝဲန့ၣ်လီၤ. ဒီးပှၤတဖၣ်လၢအမၤဒ်အံၤန့ၣ် ကဟဲစိာ်တၢ်စံၣ်ညီၣ်ဃၣ်လၢအကစၢ်ဒၣ်ဝဲအဂီၢ်န့ၣ်လီၤ.

ရိမ့ၤ 14:5

ဖဲပှၤတဂၤဆိကမိၣ်ဝဲလၢမုၢ်နံၤတနံၤန့ၣ်အကါဒိၣ်န့ၢ်ဒံးမုၢ်နံၤ အဂၤတဖၣ်န့ၣ်, ပှၤအဂၤကဒီးတဂၤဆိကမိၣ်ဝဲလၢမုၢ်နံၤခဲလၢာ် မ့ၢ်ဒၣ်ဒ်သိးသိးန့ၣ်လီၤ. မ်ပှၤတဂၤဒီးတဂၤ ဟံးဃာ်တၢ်ဒ်အဆိကမိၣ်ဒၣ်ဝဲအသိးန့ၣ်တက့ၢ်.

1 ကရံၣ်သူး 8:7

ဘၣ်ဆၣ်ဒီးပှၤတသ့ၣ်ညါတၢ်မ့ၢ်တၢ်တီအဝဲအံၤကိးဂၤဒဲးဘၣ်. ပှၤတနီၤညီနုၢ်လၢတၢ်ဂီၤတၢ်ဖီၣ်ဒ်အံၤအသိးတဖၣ်တုၤဒၣ်လဲာ်, တုၤလီၤလၢမုၢ်မဆါတနံၤအံၤဖဲအဝဲသ့ၣ်အီၣ်တၢ်အီၣ်ဒ်န့ၣ် အသိးတဖၣ်န့ၣ်, အဝဲသ့ၣ်ဆိကမိၣ်ဒံးဝဲလၢအဂ့ၢ်ဒ်အမ့ၢ်တၢ်အီၣ်လၢအမ့ၢ်တၢ်ဂီၤ တၢ်ဖီၣ်တဖၣ်အတၢ်န့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ် အဂံၢ်အဘါစၢ်, ဒီးဆိကမိၣ်လီၤအသးလၢအဘၣ်တၢ်မၤဘၣ်အၢအီၤလၢတၢ်အီၣ် န့ၣ်လီၤ.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.