ရိမ့ၤ 14:21 - Sgaw Karen Common Bible

²¹ တၢ်လၢအဘၣ်မ့ၢ်ဝဲတၢ်ဟးဆှဲးတၢ်အီၣ်တၢ်ဖံးတၢ်ညၣ်, တၢ်အီစပံးထံ, ဒီးတၢ်မၤတၢ်အဂၤတမံၤလၢအကဒုးလီၤဃံၤနဒီပုၢ်ဝဲၢ်န့ၣ်လီၤ.

ရိမ့ၤ 14:21 Iomraidhean Croise

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

ရိမ့ၤ 14:13

မၤသးဒ်န့ၣ်ဒီး, မ်ပကဆိကတီၢ်လၢတၢ်စံၣ်ညီၣ်လိာ်ပသး တဂၤဒီးတဂၤန့ၣ်တက့ၢ်. အခိၣ်တလိာ်နကြၢးပာ်လီၤနသး, လၢနသုတမၤတၢ်လၢအကဒုးလီၤဃံၤနဒီပုၢ်ဝဲၢ်မ့ၢ်ဂ့ၤ, လၢအကဒုးလီၤအီၤဆူတၢ်ဒဲးဘးအပူၤမ့ၢ်ဂ့ၤနီတမံၤတဂ့ၤ အဂီၢ်တခီန့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

1 ကရံၣ်သူး 8:13

မ့မ့ၢ်ဒ်န့ၣ်ဒီး, တၢ်အီၣ်မ့ၢ်ဒုးမၤယဒီပုၢ်ဝဲၢ်လၢတၢ်ဒဲးဘးန့ၣ်, ယတအီၣ်လၢၤတၢ်ဖံးတၢ်ညၣ်နီတစုဘၣ်. ဒ်သိးယသုတဒုးလီၤဃံၤယဒီပုၢ်ဝဲၢ်လၢတၢ်ဒဲးဘးအပူၤ တဂ့ၤအဂီၢ်န့ၣ်လီၤ.

1 ကရံၣ်သူး 8:9

ဘၣ်ဆၣ်ဒီး, ပလီၢ်သုသးဒ်သိးသုတပျဲသုတၢ်သဘျ့လၢသု ကမၤဖဲသုသးဒုးလီၤဃံၤပှၤလၢအဂံၢ်စၢ်ဘါစၢ်တဖၣ်ဆူ တၢ်ဒဲးဘးအပူၤတဂ့ၤ.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ဧ့ၤဘြံၤ 12:13

ကတဲာ်ကတီၤကျဲအလိၤအဘျၢလၢသုခီၣ်အဂီၢ်ဒ်သိးခီၣ်လၢ အဟးဂီၤန့ၣ်, အသုတလီၤဖျုတဂ့ၤဒီးကဘျါက့ၤဝဲအဂီၢ်န့ၣ်တက့ၢ်.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.