ရိမ့ၤ 14:15 - Sgaw Karen Common Bible

¹⁵ သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

ရိမ့ၤ 14:15 Iomraidhean Croise

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

ရိမ့ၤ 13:10

သုမ့ၢ်အဲၣ်ပှၤတဂၤဂၤဒီးသုတမၤကမၣ်အီၤနီတဘျီဘၣ်. မ့မ့ၢ်ဒ်န့ၣ်ဒီး, တၢ်အဲၣ်တၢ်ကွံန့ၣ်မ့ၢ်တၢ်မၤလၢထီၣ်ပှဲၤထီၣ် စီၤမိၤၡ့အတၢ်သိၣ်တၢ်သီခဲလၢာ်လီၤ.

ရိမ့ၤ 14:20

လၢတၢ်အီၣ်အဃိန့ၣ်, တဘၣ်မၤဟးဂီၤတၢ်လၢကစၢ်ယွၤမၤတ့ၢ် လံဝဲန့ၣ်တဂ့ၤ. တၢ်အီၣ်ခဲလၢာ်ကဆှီဝဲဒီးပအီၣ်သ့လီၤ. ဘၣ်ဆၣ်ဒီး ပအီၣ်တၢ်တမံၤဂ့ၤတမံၤဂ့ၤမ့ၢ်ကဲထီၣ်တၢ်ဒဲးဘးလၢပှၤအဂၤ တဂၤအဂီၢ်ဒီးမ့ၢ်တၢ်လၢအကမၣ်န့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 13:1

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.