ရိမ့ၤ 13:9 - Sgaw Karen Common Bible

⁹ တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

ရိမ့ၤ 13:9 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မးသဲ 22:39

ဒီးတၢ်မၤလိာ်လၢအဒိၣ်ကတၢၢ်ခံထံၣ်တထံၣ်န့ၣ်လီၤဂာ်ဒီးအီၤလီၤ. ‘အဲၣ်ပှၤလၢနဃၢၤ, ဒ်နအဲၣ်လီၤနသးဒၣ်နဲအသိးန့ၣ်တက့ၢ်’ (ဘူၣ်ဘါ. ၁၉:၁၈).

လံာ်မၢ်ကူး 10:19

ယွၤအတၢ်မၤလိာ်တဖၣ်နသ့ၣ်ညါနဲလီၤ. မၤသံပှၤကညီတဂ့ၤ, အဲၣ်ဘၢမါအဲၣ်ဘၢဝၤတဂ့ၤ, ဟုၣ်တၢ်တဂ့ၤ, အုၣ်နသးကဘျံးကဘျၣ်လၢပှၤအဂ့ၢ်တဂ့ၤ, လီအီၣ်ပှၤဂၤတဂ့ၤ, ယူးယီၣ်နမိၢ်နပၢ်တက့ၢ်.”

လံာ်မၢ်ကူး 12:31

တၢ်မၤလိာ်အဒိၣ်ကတၢၢ်ခံထံၣ်တထံၣ်မ့ၢ်အအံၤလီၤ. သုဘၣ်အဲၣ်ပှၤဂၤဒ်သုအဲၣ်လီၤသုသးဒၣ်သုဝဲအသိးန့ၣ်လီၤ. တၢ်မၤလိာ်အဂၤလၢအဒိၣ်န့ၢ်တၢ်ခံထံၣ်အံၤတအိၣ်ဘၣ်.”

လံာ်လူၤကၣ် 10:27

ပှၤတဂၤန့ၣ်စံးဆၢတၢ်ဒီးစံးဝဲ, “နကဘၣ်အဲၣ်ကစၢ်ယွၤနကစၢ်လၢနသူၣ်ကံၢ်သးလဲ, လၢနသးဒီဖျၢၣ်, လၢနဂံၢ်နဘါခဲလၢာ်, ဒီးလၢနတၢ်ကူၣ်တၢ်ဆးခဲလၢာ်, ဒီးနကဘၣ်အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးလီၤ.”

လံာ်လူၤကၣ် 18:20

နသ့ၣ်ညါတၢ်သိၣ်တၢ်သီတဖၣ်ကစီဒီလီၤ. ‘တဘၣ်အဲၣ်ဘၢတၢ်တဂ့ၤ, တဘၣ်မၤသံတၢ်တဂ့ၤ, တဘၣ်ဟုၣ်တၢ်တဂ့ၤ, တဘၣ်ကတိၤကဘျံးကဘျၣ်တၢ်တဂ့ၤ, ယူးယီၣ်ပာ်ကဲနမိၢ်ဒီးနပၢ်တက့ၢ်.’ ”

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.