ရိမ့ၤ 13:5 - Sgaw Karen Common Bible

⁵ လၢတၢ်ဂ့ၢ်အံၤအဃိ, သုကဘၣ်ဒိကနၣ်ပဒိၣ်ပပှၢ်တဖၣ် အကလုၢ်, တမ့ၢ်ထဲလၢယွၤအတၢ်သးထီၣ်အဃိဘၣ်, မ့ၢ်လၢပသးလၢအသ့ၣ်ညါဒၣ်တၢ်အဃိစ့ၢ်ကီးလီၤ.

ရိမ့ၤ 13:5 Iomraidhean Croise

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:2

မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 13:6

လၢတၢ်ဂ့ၢ်အံၤအဃိစ့ၢ်ကီးသုဟ့ၣ်တၢ်ခိတၢ်သွဲတဖၣ်လီၤ. အဂ့ၢ်ဒ်လဲၣ်န့ၣ်ပဒိၣ်ပပှၢ်တဖၣ်မၤတၢ်လၢကစၢ်ယွၤအဂီၢ်ဖဲ အဝဲသ့ၣ်မၤလၢပှဲၤအမူအဒါတဖၣ်အခါန့ၣ်လီၤ.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

၁ ပ့းတရူး 2:19

သုမ့ၢ်တူၢ်ဆါသုသးလၢတၢ်နးတၢ်ဖှီၣ်လၢသုတကြၢးတူၢ် ဝဲမ့ၢ်လၢသုသ့ၣ်ညါကစၢ်ယွၤအတၢ်ဘၣ်အသးအဃိ န့ၣ်ဒီး, ကစၢ်ယွၤကဆိၣ်ဂ့ၤသုလၢတၢ်အံၤအဃိလီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.