ရိမ့ၤ 13:4 - Sgaw Karen Common Bible

⁴ အဂ့ၢ်ဒ်လဲၣ်န့ၣ်, အဝဲမ့ၢ်ကစၢ်ယွၤအခ့အပှၤလၢအမၤတၢ်လၢ သုတၢ်ဂ့ၤအဂီၢ်န့ၣ်လီၤ. ဘၣ်ဆၣ်ဒီး, သုမ့ၢ်မၤတၢ်အၢတၢ်သီဒီး ပျံၤအီၤတက့ၢ်. အဂ့ၢ်ဒ်အံၤအတၢ်စိတၢ်ကမီၤလၢကစံၣ်ညီၣ် တၢ်န့ၣ်မ့ၢ်တၢ်နီၢ်နီၢ်လီၤ. အဝဲဒၣ်မ့ၢ်ကစၢ်ကစၢ်ယွၤအခ့အပှၤ ဒီးဒုးလီၤဘၣ်ယွၤအတၢ်သးထီၣ်လၢပှၤလၢအမၤတၢ်အၢတၢ်သီ တဖၣ်အလိၤလီၤ.

ရိမ့ၤ 13:4 Iomraidhean Croise

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:6

ဒီးသိၣ်လိနဲၣ်ယူၤအဝဲသ့ၣ်ဒ်အံၤ, “ပလီၢ်သူၣ်ပလီၢ်သးလၢသု တၢ်ခါလီၤသုကလုၢ်လၢတၢ်စံၣ်ညီၣ်အဂီၢ်တက့ၢ်. သုတမၤဘၣ်တၢ်လၢပှၤကညီအတၢ်စိတၢ်ကမီၤအမံၤအပူၤဘၣ်. မ့မ့ၢ်လၢယွၤအတၢ်စိတၢ်ကမီၤအပူၤ, ဒီးအဝဲအိၣ်ဒီးသုဖဲသုဟ့ၣ်လီၤတၢ်စံၣ်ညီၣ်န့ၣ်လီၤ.

တၢ်ကတိၤဒိ. 16:14

ပှၤကူၣ်တၢ်သ့တဂၤကကျဲးစၢးမၤသးခုစီၤပၤလီၤ. စီၤပၤအသးမ့ၢ်ဒိၣ်ထီၣ်ဒီး, ပှၤတဂၤဂၤကသံဝဲလီၤ.

တၢ်ကတိၤဒိ. 20:2

ပျံၤစီၤပၤတဂၤလၢအသူၣ်ဒိၣ်သးဖျိးဒ်နပျံၤခ့ယုၢ်တဒုလၢ အကညီၤရူၢ်ရူၢ်အသိးန့ၣ်တက့ၢ်. နမ့ၢ်ထိၣ်ဂဲၤအတၢ်သးထီၣ်ဒီး, မ့ၢ်ဒၣ်နမၤသံလီၤနသးလီၤ.

တၢ်ကတိၤဒိ. 20:26

စီၤပၤလၢအကူၣ်သ့တဂၤန့ၣ်ကဃုထံၣ်န့ၢ်မ့ၢ်မတၤတဂၤမၤကမၣ်တၢ် လဲၣ်ဒီးကစံၣ်ညီၣ်အီၤလၢတၢ်သးကညီၤတအိၣ်ဘၣ်အပူၤန့ၣ်လီၤ.

တၢ်ကတိၤဒိ. 20:8

စီၤပၤဆ့ၣ်နီၤဝဲလၢအစံၣ်ညီၣ်တၢ်အလီၢ်ပစိာ်ဒီးသ့ၣ်ညါတၢ်အၢ ဖဲအထံၣ်ဝဲန့ၣ်လီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 25:14

ယပှၤဂီၢ်မုၢ်အံၣ်စရ့လးကမၤဟ့ၣ်ကၣ်တၢ်လၢကီၢ်အဒိၣ်အဖီခိၣ်လၢ ယဂီၢ်, ဒီးအဝဲသ့ၣ်ကဒုးကလၢၢ်ဘၣ်ကီၢ်အဒိၣ်လၢယတၢ်သးကဲၤထီၣ်ဒိၣ်နး နးကလဲာ်န့ၣ်လီၤ. ကီၢ်အဒိၣ်ကသ့ၣ်ညါဝဲလၢယတၢ်ဟ့ၣ်ကၣ်အတၢ် ပညိၣ်, အခီပညီမ့ၢ်တၢ်မနုၤလဲၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”

ရိမ့ၤ 13:6

လၢတၢ်ဂ့ၢ်အံၤအဃိစ့ၢ်ကီးသုဟ့ၣ်တၢ်ခိတၢ်သွဲတဖၣ်လီၤ. အဂ့ၢ်ဒ်လဲၣ်န့ၣ်ပဒိၣ်ပပှၢ်တဖၣ်မၤတၢ်လၢကစၢ်ယွၤအဂီၢ်ဖဲ အဝဲသ့ၣ်မၤလၢပှဲၤအမူအဒါတဖၣ်အခါန့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

လံာ်စီၤယိၤၡူ 20:5

ပှၤလၢအလူၤဃုမၤကၣ်က့ၤအီၤတဂၤမ့ၢ်ဟဲလူၤထွဲအီၤဖဲန့ၣ်ဒီး, ပှၤလၢဝ့ၢ်ပူၤတဖၣ်တဘၣ်ဟ့ၣ်လီၤအီၤဆူအဝဲအစုပူၤဘၣ်. အဝဲသ့ၣ်ကဘၣ်ဒီဒၣ်အီၤမ့ၢ်လၢအဝဲမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤဒီးတမ့ၢ်လၢတၢ်သးဖျိးဘၣ် အဃိလီၤ.

လံာ်စီၤယိၤၡူ 20:9

အအံၤမ့ၢ်တၢ်ပူၤဖျဲးအဝ့ၢ်တဖၣ်လၢတၢ်ဃုထၢထီၣ်အီၤလၢပှၤအံၣ်စရ့လးဖိခဲလၢာ်အဂီၢ်ဒီး ပှၤတခီဘီမုၢ်ဖိ လၢအအိၣ်လၢအဝဲသ့ၣ်အသိးအကျါတဂၤဂ့ၤတဂၤဂ့ၤအဂီၢ်န့ၣ်လီၤ. ပှၤတဂၤဂ့ၤတဂၤဂ့ၤလၢအမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤန့ၣ်, ထံၣ်န့ၢ်တၢ်ပူၤဖျဲးအလီၢ်ဖဲန့ၣ်လၢပှၤလၢအလူၤဃုမၤကၣ်အီၤသ့န့ၣ်လီၤ. မ့တမ့ၢ်ဘၣ်လၢအဝဲဒိးန့ၢ်ဆိတၢ်ဆၢထၢၣ်လၢတၢ်စံၣ်ညီၣ်ကွီၢ်အလီၢ်ဘၣ်ဒီး တၢ်မၤသံအီၤတသ့ဘၣ်န့ၣ်လီၤ.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.