ရိမ့ၤ 13:11 - Sgaw Karen Common Bible

¹¹ သုကဘၣ်မၤတၢ်အံၤမ့ၢ်လၢသုသ့ၣ်ညါတၢ်ချုးခံနိးသး အကတီၢ်တုၤလံ. တၢ်ဆၢကတီၢ်ဘၣ်လံလၢသုကပၢၢ်ထီၣ်လၢ သုတၢ်မံအပူၤလံ. အဂ့ၢ်ဒ်လဲၣ်န့ၣ်, တၢ်ဆၢကတီၢ်လၢပကဘၣ်တၢ်အုၣ်က့ၤခီၣ်က့ၤပှၤ အဂီၢ်န့ၣ်ဘူးထီၣ်ဒိၣ်န့ၢ်ဒံးဖဲပနာ်က့ၤတၢ်သီသီအခါန့ၣ်လီၤ.

ရိမ့ၤ 13:11 Iomraidhean Croise

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်မးသဲ 16:3

တုၤမုၢ်ဆ့ၣ်ထီၣ်ဂီၤဂီၤတခီ, မူကပိာ်လိၤမ့ၢ်ဂီၤဒီးတၢ်အၢၣ်မ့ၢ်ခံးသူဝဲန့ၣ်, သုစံးလၢတနံၤအံၤ ကလံၤမုၢ်ကလီၤဝဲလီၤ. သုကွၢ်မူကပိာ်လိၤ, ဒီးဖးမူခိၣ်ကလံၤသီၣ်ဂီၤသ့မးလီၤ. ဘၣ်ဆၣ်တၢ်အပနီၣ်ဘၣ်ဃးဒီးတၢ်လၢအကမၤအသးတဖၣ်န့ၣ်, သုဖးတသ့ဘၣ်.

လံာ်လူၤကၣ် 21:28

ဖဲတၢ်သ့ၣ်တဖၣ်အံၤစးထီၣ်မၤအသးန့ၣ်, ဂဲၤဆၢထၢၣ်ဒီးမိာ်ထီၣ်သုခိၣ် တက့ၢ်. အဂ့ၢ်ဒ်အံၤ, သုတၢ်အုၣ်က့ၤခီၣ်က့ၤန့ၣ်ဘူးထီၣ်လံ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ယၤကိာ် 5:8

သုဝဲစ့ၢ်ကီးသုကဘၣ်အိၣ်ဒီးတၢ်ဝံသးစူၤလီၤ. ပာ်သုသးဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, ကစၢ်ကဟဲအမုၢ်တနံၤဘူးထီၣ်လံ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

၂ ပ့းတရူး 3:11

မ့ၢ်လၢတၢ်သ့ၣ်တဖၣ်အံၤခဲလၢာ်ကဘၣ်တၢ်မၤဟးဂီၤကွံာ် အီၤလၢကျဲဒ်အံၤအဃိ, သုကြၢးမ့ၢ်ပှၤဒ်လဲၣ်, သုတၢ်အိၣ်မူတဖၣ်ကြၢးစီဆှံဝဲဒီးကြၢးဘၣ်တၢ်ပာ်စီဆှံ အီၤလၢကစၢ်ယွၤအဂီၢ်,

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.

လံာ်လီၣ်ဖျါ 22:10

ဒီးအဝဲဒၣ်စံးဘၣ်ယၤ, “တၢ်ကတိၤတဖၣ်လၢအဘၣ်တၢ်ကတိၤဆိပာ်စၢၤအီၤလၢ လံာ်တဘ့ၣ်အံၤအပူၤန့ၣ်တဘၣ်ပာ်ခူသူၣ်အီၤတဂ့ၤ. အဂ့ၢ်ဒ်အံၤ, တၢ်ခဲလၢာ်ခဲဆ့အံၤကမၤအသးအဂီၢ်န့ၣ်ဆၢကတီၢ်ဘူးထီၣ်ဝဲလံ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.