ရိမ့ၤ 13:1 - Sgaw Karen Common Bible

¹ ပှၤကိးဂၤဒဲးကဘၣ်ဒိကနၣ်ထံကီၢ်ပဒိၣ်ပပှၢ်တဖၣ်အကလုၢ်လီၤ. အဂ့ၢ်ဒ်အံၤမ့တမ့ၢ်လၢကစၢ်ယွၤဟ့ၣ်အခွဲးဘၣ်ဒီး, အဝဲသ့ၣ်အိၣ်ထီၣ် တသ့ဘၣ်. ဒီးပဒိၣ်ပပှၢ်လၢအအိၣ်ထီၣ်ခဲအံၤတဖၣ်ဘၣ်တၢ်ပာ်လီၤ အီၤလၢကစၢ်ယွၤန့ၣ်လီၤ.

ရိမ့ၤ 13:1 Iomraidhean Croise

စံးထီၣ်ပတြၢၤ 62:11

ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

တၢ်ကတိၤဒိ. 24:21

ယဖိခွါဧၢ, ယူးယီၣ်ယွၤတက့ၢ်. ဒီးပာ်ကဲစီၤပၤတက့ၢ်. မၤဃါဃုာ်နသးဒီးပှၤလၢအပူထီၣ်ထီဒါအဝဲသ့ၣ်တဂ့ၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

ရိမ့ၤ 13:2

မတၤတဂၤဂ့ၤတဂၤဂ့ၤလၢအထီဒါပဒိၣ်ပပှၢ်လၢအအိၣ်ထီၣ်တဖၣ် န့ၣ်ထီဒါတၢ်လၢယွၤပာ်လီၤဝဲန့ၣ်လီၤ. ဒီးပှၤတဖၣ်လၢအမၤဒ်အံၤန့ၣ် ကဟဲစိာ်တၢ်စံၣ်ညီၣ်ဃၣ်လၢအကစၢ်ဒၣ်ဝဲအဂီၢ်န့ၣ်လီၤ.

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

လံာ်သိၣ်လီၤသီလီၤတၢ် 17:12

ပှၤတဂၤလၢ်လၢ်လၢအတစူၢ်ဘၣ်ပှၤစံၣ်ညီၣ်ကွီၢ်မ့ၢ်ဂ့ၤ, ပှၤလုၢ်တၢ်အခိၣ်လၢအဘၣ်မူဘၣ်ဒါမ့ၢ်ဂ့ၤဘူၣ်န့ၣ်, ကဘၣ်တၢ်မၤသံအီၤလီၤ. လၢကျဲဒ်အံၤန့ၣ်သုကသုးကွံာ်တၢ်အၢတၢ်သီအံၤလၢကီၢ်အံၣ်စရ့ လးအပူၤန့ၣ်လီၤ.

၁ တံၤမသ့း 2:2

လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.

တံတူး 3:1

ဒုးသ့ၣ်နီၣ်ထီၣ်က့ၤအဝဲသ့ၣ်လၢအကဆီၣ်လီၤအသးလၢ ပှၤပၢတၢ်ဒီးပဒိၣ်ပပှၢ်တဖၣ်အဖီလာ်ဒီးကစူၢ်အကလုၢ်, ဒီးကအိၣ်ကတဲာ်ကတီၤအသးလၢကမၤဂ့ၤတၢ်လၢကျဲကိးဘိဒဲး အဂီၢ်န့ၣ်တက့ၢ်.

ယူဒၤ 1:8

လၢကျဲဒ်အံၤအသိးစ့ၢ်ကီး, ပှၤသ့ၣ်တဖၣ်အံၤအိၣ်ဒီးတၢ်ထံၣ် လၢညါခီတဖၣ်လၢအလီန့ၢ်အဝဲသ့ၣ်ဒီးဒုးမၤအီၤလၢတၢ်ဒဲးဘး ထီဒါက့ၤအကစၢ်ဒၣ်ဝဲအနီၢ်ခိတဖၣ်န့ၣ်လီၤ. အဝဲသ့ၣ်မၤတရီတပါကစၢ်ယွၤအတၢ်စိတၢ်ကမီၤဒီးဒုၣ်ဒွဲၣ်မူ ခိၣ်တၢ်လၤကပီၤတဖၣ်န့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.