ရိမ့ၤ 12:6 - Sgaw Karen Common Bible

⁶ လၢတၢ်န့ၣ်အဃိ ပကဘၣ်သူပတၢ်ဟ့ၣ်လၢအလီၤဆီ တဖၣ်ဒ်သိးကလီၤပလိာ်ဒီးတၢ်ဘျုးတၢ်ဖှိၣ်လၢကစၢ် ယွၤဟ့ၣ်လီၤပှၤန့ၣ်လီၤ. ပတၢ်ဟ့ၣ်မ့မ့ၢ်တၢ်စံၣ်တဲၤတဲလီၤ ယွၤအတၢ်ကစီၣ်ဒီး, ပကမၤအီၤလီၤပလိာ်ဒီးတၢ်နာ်လၢ အအိၣ်ဒီးပှၤန့ၣ်လီၤ.

ရိမ့ၤ 12:6 Iomraidhean Croise

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်မးသဲ 25:22

တၢ်အခ့အပှၤလၢအဒိးန့ၢ်စ့ခံတၤလၣ်တဂၤစ့ၢ်ကီးဟဲဝဲဒီး စံး, ‘ကစၢ်ဧၢ, နဟ့ၣ်ယၤစ့ခံတၤလၣ်လီၤ. အအံၤတခီမ့ၢ်စ့အဂၤခံတၤလၣ်လၢယမၤအါထီၣ်န့ၣ်လီၤ.’

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 15:32

စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 2:17

‘ကစၢ်ယွၤစံးဝဲဒၣ်, အအံၤမ့ၢ်တၢ်လၢယကမၤအီၤလၢ မုၢ်နံၤမုၢ်သီ လၢခံကတၢၢ်တဖၣ်, ယကလူလီၤဂၢ်လီၤယသးလၢ ပှၤဟီၣ်ခိၣ်ဖိခဲလၢာ်အလိၤ, သုဖိမုၣ်ဖိခွါတဖၣ်ကတဲဖျါထီၣ်ယတၢ်ကစီၣ်, သုပှၤသးစၢ်တဖၣ်ကထံၣ်တၢ်ထံၣ်လၢညါခီတဖၣ်, ဒီးသုပှၤသးပှၢ်တဖၣ်ကမံမီၢ်တၢ်မံမီၢ်တဖၣ်လီၤ.

မၤတၢ် 21:9

အဝဲဒၣ်အိၣ်ဒီးအဖိမုၣ်မုၣ်ကနီၤလွံၢ်ဂၤ, လၢအတဲဖျါထီၣ်ကစၢ်ယွၤအတၢ်ကစီၣ်န့ၣ်လီၤ.

ရိမ့ၤ 1:11

အဂ့ၢ်မ့ၢ်လၢ, ယသးအိၣ်ထံၣ်ဘၣ်သုဒိၣ်မးဒ်သိးယကနီၤ ဟ့ၣ်သုလၢသးအတၢ်ဆိၣ်ဂ့ၤလၢတၢ်မၤဆူၣ်ထီၣ်သုဂံၢ် သုဘါအဂီၢ်န့ၣ်လီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

1 ကရံၣ်သူး 12:18

ဘၣ်ဆၣ်ဒီးဒ်တၢ်မၤအသးအသိးန့ၣ်, ကစၢ်ယွၤပာ်က့ၢ်ဂီၤလီၤဆီတမံၤဘၣ်တမံၤလၢနီၢ်ခိအလိၤဒ် အသးအိၣ်မၤဝဲအသိးလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 14:1

မ့မ့ၢ်ဒ်န့ၣ်ဒီးတၢ်လၢသုကြၢးဂုာ်ကျဲးစၢးဒီးဒိးန့ၢ်အီၤန့ၣ်, မ့ၢ်ဝဲတၢ်အဲၣ်တၢ်ကွံလီၤ. ပာ်သုသးသပှၢ်ပှၢ်လၢသုကဒိးန့ၢ်ဘၣ်သးစီဆှံအတၢ်ဟ့ၣ် တဖၣ်, လီၤဆီဒၣ်တၢ်, တၢ်ဟ့ၣ်ဘၣ်ဃးဒီးတၢ်ကတိၤတၢ်လၢဝံအကျိာ်န့ၣ်တက့ၢ်.

1 ကရံၣ်သူး 14:24

ဘၣ်ဆၣ်ဒီး ပှၤကိးဂၤဒဲးမ့ၢ်ကတိၤတၢ်လၢဝံအကျိာ်, ဖဲပှၤတစူၢ် တနာ်တၢ်, မ့တမ့ၢ်ပှၤမုၢ်ဆ့ၣ်မုၢ်ဂီၤတဂၤဟဲနုာ်လီၤန့ၣ်, အဝဲဒၣ်ကဘၣ်တၢ်ဒုးသ့ၣ်ညါလီၤတံၢ်အီၤလၢအအိၣ်ဒီး တၢ်ဒဲးဘး, ခီဖျိတၢ်လၢအနၢ်ဟူဘၣ်ဝဲန့ၣ်လီၤ. အဝဲဒၣ်ကဘၣ်တၢ်စံၣ်ညီၣ်အီၤခီဖျိတၢ်လၢအနၢ်ဟူဘၣ်ဝဲခဲလၢာ်လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 7:7

အနီၢ်နီၢ်တခီ, ယဆၢလၢသုဝဲကိးဂၤဒဲးသုကလီၤဂာ်ဒ်ယၤ အသိးလီၤ. ဘၣ်ဆၣ်ဒီးပှၤတဂၤဒီးတဂၤအိၣ်ဒီးအတၢ်ဟ့ၣ်လီၤ ဆီဒၣ်ဝဲလၢအဟဲလၢကစၢ်ယွၤအအိၣ်န့ၣ်လီၤ. တဂၤအိၣ်ဒီးတၢ်ဟ့ၣ်တမံၤအံၤ, အဂၤတဂၤအိၣ်ဒီးတၢ်ဟ့ၣ် အဝဲန့ၣ်တမံၤလီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

ဖံလံးပံၤ 3:15

ပဝဲခဲလၢာ်လၢအဒိၣ်တုာ်ခိၣ်ပှဲၤလံလၢသူၣ်လၢသးတဖၣ် ကြၢးအိၣ်ဒီးတၢ်ပာ်သူၣ်ပာ်သးတမံၤဃီန့ၣ်လီၤ. ဘၣ်ဆၣ်ဒီး, သုဝဲတနီၤသုမ့ၢ်အိၣ်ဒီးတၢ်ပာ်သူၣ်ပာ်သးလၢအလီၤဆီန့ၣ်, ကစၢ်ယွၤကဒုးနၢ်ပၢၢ်သုတၢ်ဂ့ၢ်အံၤပျီပျီန့ၣ်လီၤ.

၂ ပ့းတရူး 1:20

ဘၣ်ဆၣ်ဒီးလၢတၢ်ခဲလၢာ်အဖီခိၣ်, သ့ၣ်နီၣ်ထီၣ်လၢဝံအကလုၢ်လၢတၢ်ကွဲးအသးစီဆှံတဖၣ် အပူၤန့ၣ်, ပှၤတဲဖျါအခီပညီလၢအကစၢ်ဒၣ်ဝဲတသ့နီ တဂၤဘၣ်.