ရိမ့ၤ 12:20 - Sgaw Karen Common Bible

²⁰ အါန့ၢ်အန့ၣ်, ဒ်တၢ်ကွဲးအသးစီဆှံစံးဝဲအသိး, “နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်လုၢ်အီအီၤ တက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤထံတက့ၢ်. လၢနမၤတၢ်ဒ်အံၤအဃိအဝဲကမဲာ်ဆှးလီၤက့ၤအသးလီၤ.”

ရိမ့ၤ 12:20 Iomraidhean Croise

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:22

စီၤအလံၤၡါစံးဆၢဝဲ, “မၤသံတဂ့ၤ. ပှၤသုးဖိတဖၣ်လၢ နဖီၣ်န့ၢ်အီၤလၢတၢ်ဒုးအပူၤလၢနကမၤသံအီၤဒၣ်လဲာ်န့ၣ်, မၤသံအီၤတဂ့ၤ. ဟ့ၣ်အဝဲသ့ၣ်တၢ်တနီၤနီၤလၢကအီၣ်ဒီးကအီဝဲ အဂီၢ်ဒီးပျဲအဝဲသ့ၣ်က့ၤကဒါက့ၤဆူအစီၤပၤအအိၣ်န့ၣ်တက့ၢ်.”

စံးထီၣ်ပတြၢၤ 120:4

လၢပှၤသုးဖိတဂၤအပျၢ်လၢအအ့ၣ်တဖၣ်, ဒီးမ့ၣ်အူကဖးအကဲၤဒီးကိၢ်န့ၣ်လီၤ.

စံးထီၣ်ပတြၢၤ 140:10

မ်မ့ၣ်အူကဖးလၢဂီၤကဲၤလီၤတဲာ်လၢအလိၤ, မ်အဘၣ်တၢ်တ့ၢ်လီၤကွံာ်အီၤဆူတၢ်ပူၤတပူၤ, ဒီးအသုတဟဲက့ၤထီၣ်က့ၤနီတစုလၢၤတဂ့ၤ.

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်လူၤကၣ် 6:27

မ့မ့ၢ်, ယစံးဘၣ်တဲဘၣ်သုဝဲလၢအနၢ်ဟူဘၣ်ယတၢ်ကတိၤတဖၣ်, အဲၣ်သုဒုၣ်သုဒါတဖၣ်တက့ၢ်. မၤဂ့ၤပှၤလၢအသးဟ့သုတဖၣ်တက့ၢ်.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”