ရိမ့ၤ 12:2 - Sgaw Karen Common Bible

² တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

ရိမ့ၤ 12:2 Iomraidhean Croise

လံာ်စီၤဧ့စြၤ 10:11

ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”

စံးထီၣ်ပတြၢၤ 119:103

လၢယလ့ၣ်ကွၢ်တၢ်န့ၣ် နကလုၢ်နကထါဆၢဆံးဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

စံးထီၣ်ပတြၢၤ 119:128

ဒီးယပိာ်ထွဲနတၢ်မၤလိာ်ခဲလၢာ်အခံလီၤ. ကယဲၢ်ကျဲဘၣ်ဃးဒီးတၢ်ကဘျံးကဘျၣ်န့ၣ် ယသးဟ့အီၤကိးဘိဒဲးလီၤ.

စံးထီၣ်ပတြၢၤ 119:174

ယွၤဧၢ, ယဆၢန့ၢ်ဘၣ်နတၢ်အုၣ်က့ၤခီၣ်က့ၤ ဒီးနတၢ်သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

စံးထီၣ်ပတြၢၤ 34:8

လ့ၣ်ကွၢ်ဒီးထံၣ်လၢယွၤမ့ၢ်တၢ်ဂ့ၤန့ၣ်တက့ၢ်. ပှၤလၢအသန့ၤအသးလၢအီၤန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မၢ်ကူး 4:19

ဘၣ်ဆၣ်ဒီးတၢ်ကိၢ်တၢ်ဂီၤဘၣ်ဃးဟီၣ်ခိၣ်တစိၤအံၤ, တၢ်မိၣ်န့ၢ်သးလီတၢ်ထူးတၢ်တီၤဒီးကယဲၢ်တၢ်မိၣ်န့ၢ်သးလီတၢ် အဂုၤအဂၤတဖၣ်ခဲလၢာ်န့ၣ်ခဲဘၢကွံာ်ယွၤ အကလုၢ်ကထါဒီးသူထီၣ်သၣ်ထီၣ်တသ့လၢၤဘၣ်န့ၣ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 17:14

ယဟ့ၣ်လီၤအဝဲသ့ၣ်လၢနကလုၢ်ကထါဒီးဟီၣ်ခိၣ်သးဟ့ အဝဲသ့ၣ်, မ့ၢ်လၢအဝဲသ့ၣ်တဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဒီးဟီၣ်ခိၣ်အသိးန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 7:12

တၢ်သိၣ်တၢ်သီအိၣ်ဒၣ်အတၢ်န့ၣ်စီဝဲဆှံဝဲ, ဒီးတၢ်မၤလိာ်အိၣ်ဒၣ်အတၢ်န့ၣ်စီဝဲဆှံဝဲ, တီဝဲလိၤဝဲ ဒီးဂ့ၤဝဲဝါဝဲလီၤ.

ရိမ့ၤ 7:14

ပသ့ၣ်ညါလၢတၢ်သိၣ်တၢ်သီမ့ၢ်တၢ်ဘၣ်ဃးလၢသူၣ်လၢ သးလီၤ. ဘၣ်ဆၣ်ယမ့ၢ်ပှၤလၢအဘၣ်ဃးဒီးနီၢ်ခိလၢ အသံသ့တဂၤလၢအဘၣ်တၢ်ဆါလီၤကွံာ်အီၤဒ်ကုၢ် တဂၤအသိးဆူတၢ်ဒဲးဘးအပူၤန့ၣ်လီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ကလီးစဲ 3:10

ဒီးသုတူၢ်လိာ်စိာ်မူတ့ၢ်လံတၢ်အိၣ်မူအသီလၢအဘၣ် တၢ်မၤသီထီၣ်အီၤတဘိယူၢ်ဃီလၢကစၢ်ယွၤဒ်အက့ၢ်အဂီၤအသိး ဆူတၢ်သ့ၣ်ညါယွၤအလၢအပှဲၤအပူၤန့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 4:3

ကစၢ်ယွၤအသးအိၣ်လၢသုကအိၣ်မူစီစီဆှံဆှံဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.

၁ ပ့းတရူး 2:3

ဒ်တၢ်ကွဲးအသးစံးဝဲအသိး, “သုလ့ၣ်ကွၢ်တ့ၢ်လၢသုကစၢ်ဒၣ်သုဝဲအဂီၢ်လၢကစၢ်မ့ၢ်တၢ်ဂ့ၤ န့ၣ်လံ.”

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၁ ယိၤဟၣ် 3:13

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ဟီၣ်ခိၣ်မ့ၢ်သးဟ့သုဒီးတဘၣ်ကမၢကမၣ်တဂ့ၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.