ရိမ့ၤ 12:17 - Sgaw Karen Common Bible

¹⁷ ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 12:17 Iomraidhean Croise

လံာ်တၢ်ကဲထီၣ်အခီၣ်ထံး 42:25

စီၤယိၤသးဟ့ၣ်လီၤအကလုၢ်လၢတၢ်ကမၤပှဲၤအဒီပုၢ်ဝဲၢ်ခွါတဖၣ် အထၢၣ်လၢဘုဧိၤဟုဧိၤ, ဒီးဒၢနုာ်က့ၤပှၤတဂၤစုာ်စုာ်အစ့လၢအထၢၣ်ဒၣ်ဝဲအပူၤ, ဒီးဟ့ၣ်လီၤအဝဲသ့ၣ်တၢ်အီၣ်တၢ်အီ လၢကျဲအဂီၢ်န့ၣ်လီၤ. တၢ်အံၤဘၣ်တၢ်မၤအီၤန့ၣ်လီၤ.

တၢ်ကတိၤဒိ. 20:22

ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

တၢ်ကတိၤဒိ. 24:29

“ယကမၤအီၤဒ်တၢ်လၢအဝဲမၤတ့ၢ်ယၤအသိး, ယကဟ့ၣ်ကၣ်အီၤဒ်အမၤယၤအသိးလီၤ” န့ၣ်စံးတဂ့ၤ.

လံာ်မးသဲ 5:24

ပာ်တ့ၢ်နတၢ်လုၢ်ဖဲတၢ်လုၢ်လီၢ်န့ၣ်ဒီးလဲၤမၤဘၣ်လိာ်က့ၤနသးဒီး အီၤလၢအဆိဝံၤအလီၢ်ခံဟဲက့ၤဒီးလုၢ်ထီၣ်နတၢ်လုၢ်န့ၣ်ဆူကစၢ်ယွၤ အအိၣ်တက့ၢ်.

လံာ်မးသဲ 5:39

ဘၣ်ဆၣ်ဒီးအခဲအံၤယစံးဘၣ်သု, လၢသုသုတမၤကၣ်ပှၤလၢအမၤအၢသုတဂၤတဂ့ၤ. ပှၤတဂၤဂၤမ့ၢ်ဒဲနမဲာ်လၢအထွဲတခီဒီးဃၣ်န့ၢ်အီၤလၢအစ့ၣ် တခီစ့ၢ်ကီးတက့ၢ်.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”

ရိမ့ၤ 14:16

တဘၣ်ပျဲတၢ်လၢနဆိကမိၣ်လၢအမ့ၢ်တၢ်ဂ့ၤကဲထီၣ် တၢ်အၢလၢပှၤဂၤအဂီၢ်တဂ့ၤ.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.

၁ သ့းစၤလနံ 4:12

သုမ့ၢ်မၤဒ်န့ၣ်ဒီး, သုကဒိးန့ၢ်ဘၣ်ပှၤလၢအတစူၢ်တနာ်ခရံာ်တဖၣ်အတၢ်ယူးယီၣ် ပာ်ကဲသု, ဒီးအလီၢ်တအိၣ်လၢသုကသန့ၤသုသးလၢပှၤဂုၤ ပှၤဂၤလၢသုတၢ်လိၣ်တဖၣ်အဂီၢ်န့ၣ်ဘၣ်လီၤ.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

လံာ်နီၢ်ရူၤသး 3:14

လၢတၢ်န့ၣ်အဃိ, နီၢ်ရူၤသးမံလီၤဝဲလၢအခီၣ်ထံးတုၤမုၢ်ဆ့ၣ် ထီၣ်လီၤ. ဘၣ်ဆၣ်ဂဲၤဆၢထၢၣ်ဝဲတချူးလၢပှၤသ့ၣ်ညါလိာ်အသးသ့ဒံးဘၣ် အကတီၢ်န့ၣ်လီၤ. အဂ့ၢ်မ့ၢ်လၢစီၤဘိၤဧးတ အဲၣ်ဒိးဝဲလၢပှၤသ့ၣ်ညါဘၣ်ပိာ်မုၣ်တဂၤဟဲနုာ်လၢကြဲၢ်ပူၤ အဂ့ၢ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:11

ယွၤတြီယၤလၢယကကျဲးစၢးမၤဆါပှၤတဂၤလၢယွၤဒုးကဲထီၣ်အီၤ လၢစီၤပၤန့ၣ်လီၤ. မ်ပဟံးန့ၢ်အဘီ, အထံကိဖိဒီးဟးထီၣ်ကွံာ်တက့ၢ်.”