ရိမ့ၤ 12:15 - Sgaw Karen Common Bible

¹⁵ ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

ရိမ့ၤ 12:15 Iomraidhean Croise

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

လံာ်စီၤယိၤဘး 30:25

မ့ၢ်ယတဟီၣ်ဃုာ်ဒီးပှၤဘၣ်တၢ်ကိၢ်တၢ်ဂီၤဒီးသးအုးဃုာ်ဒီး ပှၤလၢအလိၣ်ဘၣ်တၢ်မၤစၢၤတဖၣ်ဘၣ်န့ၣ်ဧါ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယံးရမံယၤ 38:12

အဝဲတဲဘၣ်ယၤလၢ ယကပာ်တၢ်ကံးယာ်အက့အခီတဖၣ်လၢ ယစုတီၤဖီလာ် ဒ်သိးပျံၤအသုတမၤဘၣ်ဒိဘၣ်ထံးယၤတဂ့ၤ အဂီၢ်လီၤ. ယမၤယဲဒ်န့ၣ်,

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်လူၤကၣ် 1:58

ပှၤအိၣ်လၢအဝဲဒၣ်အဃၢၤဒီးအဝဲဒၣ်အဘူးအတံၢ်တဖၣ်နၢ်ဟူဘၣ်ဝဲလၢ ကစၢ်ယွၤဂ့ၤတ့ၢ်လၢအဝဲဒၣ်အဖီခိၣ်လီၤလိၢ်လီၤလးမးဒီး အဝဲသ့ၣ်ကိးဒံကိးဂၤဒဲးသးခုဃုာ်ဒီးအီၤလီၤ.

လံာ်ယိၤဟၣ် 11:19

ဒီးပှၤယူဒၤဖိအါဂၤဟဲဆူနီၢ်မၢ်သၤဒီးနီၢ်မၤရံအအိၣ် ဒ်သိးကကတိၤမုာ်ထီၣ်က့ၤအသးလၢအဝဲသ့ၣ်အဒီပုၢ်ဝဲၢ်သံ အဃိန့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

၂ ကရံၣ်သူး 11:29

ဖဲပှၤတဂၤဂၤအဂံၢ်စၢ်ဘါစၢ်န့ၣ်, ယဂံၢ်ယဘါစၢ်လီၤဘၣ်ယၤစ့ၢ် ကီးလီၤ. ဖဲပှၤတဂၤဂၤဘၣ်တၢ်ဆှၢအီၤဆူတၢ်ဒဲးဘးအပူၤန့ၣ်, ယလၢပှဲၤဒီးတၢ်ကိၢ်တၢ်ဂီၤလီၤ.

၂ ကရံၣ်သူး 2:3

မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

ဖံလံးပံၤ 2:26

အဝဲဒၣ်ဆၢထံၣ်ဘၣ်သုကိးဒံကိးဂၤဒဲး, ဒီးအသးဘၣ်တံာ်တာ်ဒိၣ်မးလၢသုနၢ်ဟူတ့ၢ်လၢအဝဲအိၣ် တဆူၣ်အဃိန့ၣ်လီၤ.

ဖံလံးပံၤ 2:28

လၢတၢ်န့ၣ်အဃိ, ယသးဆူၣ်ဒိၣ်န့ၢ်အလီၢ်လၢယကဆှၢလီၤ အီၤဆူသုအိၣ်, ဒ်သိးသုကသူၣ်ခုသးခုကဒီးဖဲသုထံၣ်ဘၣ်အီၤ, ဒီးယတၢ်သူၣ်အုးသးအုးဒၣ်ယဲကလီၤမၢ်ကွံာ်အဂီၢ်န့ၣ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.