ရိမ့ၤ 12:13 - Sgaw Karen Common Bible

¹³ နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

ရိမ့ၤ 12:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:29

တၢ်အီၣ်တၢ်အီလၢအဝဲသ့ၣ်ဟဲစိာ်န့ၣ်မ့ၢ်ဝဲဘုကၠူၣ်, ဘုမုယီၤ, ဘုဝဲာ်အသး, ပထိး, သဘ့, ကနဲစီ, တၢ်နုၢ်ထံ ကိၢ်လိၣ်, တၢ်နုၢ်ထံလီၤသကၤဒီးသိဖိတနီၤန့ၣ်လီၤ. အဝဲသ့ၣ်, သ့ၣ်ညါဝဲလၢစီၤဒၤဝံးဒီးအပှၤတဖၣ်သၣ်ဝံၤသၣ်စ့ၤ, အသးသူထံဒီးလီၤဘှံးလီၤတီၤဝဲလၢပှၢ်မုၢ်ကနၢအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:10

မ်ပဘှီထီၣ်ဒၢးအဆံးဖိတဖျၢၣ်လၢဟံၣ်ခိၣ်ဒုးအဖီခိၣ်, ပာ်လီၤလီၢ်မံခးတဖျၢၣ်, စီၢ်နီၤခိၣ်တဖျၢၣ်ဒီးမ့ၣ်အူဒၢ တဖျၢၣ်လၢအပူၤ, ဒ်သိးဖဲအဝဲဟဲအိၣ်သကိးပှၤတဘျီ လၢ်လၢ်န့ၣ်အိၣ်ဆိးဝဲကသ့အဂီၢ်တက့ၢ်.”

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

တၢ်ကတိၤဒိ. 31:20

အဝဲဟ့ၣ်တၢ်ညီလၢပှၤဖှီၣ်ဖိယာ်ဖိဒီးပှၤလၢအတၢ်တအိၣ်တဖၣ်န့ၣ် လီၤ.

လံာ်မးသဲ 25:35

အဂ့ၢ်ဒ်အံၤ, တၢ်သၣ်ဝံၤယသးဒီးသုဟ့ၣ်အီၣ်ဟ့ၣ်အီယၤ, တၢ်သူယသးလၢထံဒီးသုဒုးအီယၤ, ယမ့ၢ်ပှၤသမှံၤတဂၤဒီးသုတူၢ်လိာ်ယၤလၢသုဟံၣ်သုဃီတဖၣ် အပူၤ,

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 4:35

ဒီးဟ့ၣ်လီၤဝဲလၢပှၤတၢ်မၢဖိတဖၣ်အစုပူၤ, ဒီးပှၤတၢ်မၢဖိတဖၣ်ဟ့ၣ်နီၤလီၤကျိၣ်စ့န့ၣ်လၢပှၤတဂၤဒီး တဂၤဒ်အလိၣ်ဘၣ်ဝဲအသိးန့ၣ်လီၤ.

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

၂ ကရံၣ်သူး 9:1

အလီၢ်တအိၣ်နီၢ်နီၢ်လၢယကကွဲးတဲသုဘၣ်ဃးတၢ်မၤ စၢၤလၢအဘၣ်တၢ်ဆှၢလီၤအီၤဆူယွၤအပှၤဂီၢ်မုၢ်ဖဲကီၢ် ယူဒၤတဖၣ်အဂ့ၢ်န့ၣ်ဘၣ်.

၂ ကရံၣ်သူး 9:12

အဂ့ၢ်ဒ်အံၤ, တၢ်လၢသုမၤတမံၤအံၤန့ၣ်, တမ့ၢ်ထဲအမၤလၢထီၣ်ပှဲၤထီၣ် ကစၢ်ယွၤအပှၤဂီၢ်မုၢ်အတၢ်လိၣ်တဖၣ်ဧိၤဘၣ်. မ့မ့ၢ်, ဒုးအိၣ်ထီၣ်တၢ်စံးဘျုးစံးဖှိၣ်ကစၢ်ယွၤအတၢ်ပုာ်ထီၣ်ယွၤလီၤန့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

တံတူး 1:8

အဝဲကဘၣ်အဲၣ်တူၢ်တံၢ်တူၢ်သမှံၤ, ဒီးအဲၣ်တၢ်လၢအဂ့ၤအဝါ န့ၣ်လီၤ. အဝဲကဘၣ်ပၢၤအသး, တီလိၤ, စီဆှံ, ဒီးကီၤသူၣ်ကီၤသး န့ၣ်လီၤ.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

ဧ့ၤဘြံၤ 13:2

တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

၁ ပ့းတရူး 4:9

တူၢ်တံၢ်တူၢ်သမှံၤလၢသုဟံၣ်သုဃီတဖၣ်အပူၤ, တအိၣ်ဘၣ်ဒီးတၢ်ကဒူးကဒ့ၣ်န့ၣ်တက့ၢ်.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.

၃ ယိၤဟၣ် 1:5

ယတံၤသကိးသးဘိဧၢ, နသးတီဒိၣ်မးဒီးတၢ်မၤလၢ နမၤလၢဒီပုၢ်ဝဲၢ်တဖၣ်အဂီၢ်, ဖဲအဝဲသ့ၣ်မ့ၢ်ပှၤလၢ နတသ့ၣ်ညါဒၣ်လဲာ်အီၤအဆၢကတီၢ်န့ၣ်လီၤ.