ရိမ့ၤ 12:11 - Sgaw Karen Common Bible

¹¹ မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

ရိမ့ၤ 12:11 Iomraidhean Croise

လံာ်တၢ်ဟးထီၣ်ကွံာ် 5:17

ဒီးစီၤပၤစံးဝဲဒၣ်, “သုဝဲသ့ၣ်အံၤသုကၢၣ်ဒီးသုတအဲၣ်ဒိးမၤတၢ်အဃိသုမၢယပျဲ သုဒ်သိးသုကလဲၤမၤတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

တၢ်ကတိၤဒိ. 10:26

မၢပှၤအကၢၣ်တဂၤမၤတၢ်တမံၤမံၤလၢနဂီၢ်နီတစုတဂ့ၤ. အဝဲကမၤအ့န့နသးဒ်တၤဆံၣ်ထံလၢနမဲအဖီခိၣ်ဒီးမ့ၣ်အူလုၢ် လၢနမဲာ်ချံပူၤအသိးန့ၣ်လီၤ.

တၢ်ကတိၤဒိ. 13:4

ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 18:9

ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

တၢ်ကတိၤဒိ. 31:15

ဆၢထၢၣ်လၢဂီၤထၢၣ်သၢဒ်သိးကကတဲာ်ကတီၤတၢ်အီၣ်တၢ်အီလၢအဒူၣ်ဖိ ထၢဖိအဂီၢ်ဒီးကတဲဘၣ်အခ့အပှၤပိာ်မုၣ်တဖၣ်လၢအကဘၣ်မၤတၢ်မနုၤ မနုၤအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်မးသဲ 24:12

တၢ်အၢတၢ်သီကအါထီၣ်ဂီၢ်ထီၣ်ဒ်န့ၣ်, တုၤဒၣ်လဲာ်ပှၤဟီၣ်ခိၣ်ဖိအါဂၤ အတၢ်အဲၣ်တၢ်ကွံကဆံးလီၤစှၤလီၤဝဲလီၤ.

လံာ်မးသဲ 25:26

ဘၣ်ဆၣ်အကစၢ်စံးဆၢတၢ်ဒီးစံး, ‘တၢ်အခ့အပှၤလၢအအၢဒီးအကၢၣ်မးတဂၤဧၢ, လၢယမ့ၢ်ပှၤလၢအကူးအီၣ်က့ၤတၢ်လၢယတသူၣ်တၢ်အလီၢ်, ဒီးထၢဖှိၣ်က့ၤတၢ်လၢယတဖှံလီၤတၢ်အလီၢ်န့ၣ်, နသ့ၣ်ညါကစီဒီမးလဲၣ်.

မၤတၢ် 18:25

အဝဲဒၣ်ဘၣ်တၢ်သိၣ်လိနဲၣ်လိတ့ၢ်အီၤလၢကစၢ်အကျဲဧိၤ ကပူၤဧိၤ, ဒီးလၢတၢ်သူၣ်ဆူၣ်သးဂဲၤအဒိၣ်အမုၢ်အပူၤစံၣ် တဲၤတဲလီၤတၢ်ဒီးသိၣ်လိသီလိတၢ်လီၤတံၢ်လီၤဆဲးဘၣ်ဃး ယ့ၣ်ၡူးအဂ့ၢ်န့ၣ်လီၤ. ဘၣ်ဆၣ်ဒီးအဝဲဒၣ်သ့ၣ်ညါထဲစီၤယိၤဟၣ်အတၢ်ဘျၢတမံၤဧိၤလီၤ.

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

1 ကရံၣ်သူး 7:22

အဂ့ၢ်ဒ်အံၤ, ကုၢ်တဂၤလၢအဘၣ်တၢ်ကိးတ့ၢ်အီၤလၢ ကစၢ်န့ၣ်, မ့ၢ်ကစၢ်အပှၤသဘျ့တဂၤလီၤ. လၢကျဲတဘိဃီန့ၣ်, ပှၤသဘျ့တဂၤလၢအဘၣ်တၢ်ကိးတ့ၢ်အီၤလၢ ခရံာ်န့ၣ်, မ့ၢ်အဝဲဒၣ်အကုၢ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

ကလီးစဲ 4:1

ကစၢ်သ့ၣ်ဧၢ, လၢသုတၢ်ဘၣ်ထွဲဒီးသုကုၢ်သုပှၤအပူၤန့ၣ်မၤ သုဝဲတီတီတအိၣ်ဘၣ်ဒီးတၢ်ကွၢ်မဲာ်တၢ်ဘၣ်န့ၣ်တက့ၢ်. သ့ၣ်ညါလၢသုဝဲစ့ၢ်ကီးသုအိၣ်ဒီးသုကစၢ်တဂၤလၢမူခိၣ်န့ၣ် တက့ၢ်.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

လံာ်လီၣ်ဖျါ 2:4

ဘၣ်ဆၣ်ဒီး, ယပာ်တၢ်ကမၣ်လၢနလိၤတမံၤဒ်အံၤလီၤ. ခဲကနံၣ်အံၤနတအဲၣ်ယၤထဲသိးနအဲၣ်ယၤလၢညါန့ၣ်ဘၣ်.