ရိမ့ၤ 11:9 - Sgaw Karen Common Bible

⁹ ဒီးစီၤဒၤဝံးစံးဝဲ, “မ်အတၢ်အီၣ်အစီၢ်နီၤခိၣ်ကကဲထီၣ် ထုလၢအဘၣ်က့ၤအီၤ, မ်အဝဲသ့ၣ်လီၤဃံၤ, ဒီးမ်အဝဲသ့ၣ်ဘၣ်တၢ်စံၣ်ညီၣ်အီၤတက့ၢ်.

ရိမ့ၤ 11:9 Iomraidhean Croise

လံာ်စီၤယိၤဘး 18:10

တ့ၤခီၣ်ပာ်လီၤခူသူၣ်အသးလၢဟီၣ်ခိၣ်လိၤဒီးထုဘၣ်တၢ်ပာ်လီၤ အီၤခီလၢအဂီၢ်လၢအကျဲပူၤန့ၣ်လီၤ.

စံးထီၣ်ပတြၢၤ 28:4

ဟ့ၣ်ဆၢက့ၤအဝဲသ့ၣ်ဒ်တၢ်လၢအမၤတ့ၢ်ဝဲအသိး, တၢ်ဒဲးဘးလၢအဝဲသ့ၣ်မၤတ့ၢ်ဝဲန့ၣ်တက့ၢ်. ဟ့ၣ်ဆၢက့ၤအဝဲသ့ၣ်ဒ် အစုအတၢ်ဖံးတၢ်မၤခဲလၢာ်အသိး, ဟ့ၣ်အဝဲသ့ၣ်တၢ်လၢ အကြၢးဒိးန့ၢ်ဘၣ်ဝဲန့ၣ်တက့ၢ်.

တၢ်ကတိၤဒိ. 1:32

ပှၤလၢအတၢ်လဲၤခီဖျိစှၤတဖၣ်သံဝဲလီၤ. အဂ့ၢ်ဒ်အံၤ, အဝဲသ့ၣ်ဂ့ၢ်လိာ်တၢ်ကူၣ်သ့အဃိန့ၣ်လီၤ. ပှၤအသးတဆးတဖၣ်ဘၣ်တၢ်မၤဟးဂီၤအီၤလၢအတၢ်သးအိၣ် သးစဲတအိၣ်ဒၣ်ဝဲအဃိလီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယၡါယၤ 66:9

ဆိကမိၣ်လၢယကဟဲစိာ်ယပှၤဂီၢ်မုၢ်ဆူတၢ်အိၣ်ဖျဲၣ်ဘူးထီၣ် အဆၢကတီၢ်, ဒီးတပျဲအအိၣ်ဖျဲၣ်ထီၣ်ဘၣ်န့ၣ်တဂ့ၤ.” ယွၤကတိၤတ့ၢ်လံတၢ်လံ.

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

ရိမ့ၤ 14:13

မၤသးဒ်န့ၣ်ဒီး, မ်ပကဆိကတီၢ်လၢတၢ်စံၣ်ညီၣ်လိာ်ပသး တဂၤဒီးတဂၤန့ၣ်တက့ၢ်. အခိၣ်တလိာ်နကြၢးပာ်လီၤနသး, လၢနသုတမၤတၢ်လၢအကဒုးလီၤဃံၤနဒီပုၢ်ဝဲၢ်မ့ၢ်ဂ့ၤ, လၢအကဒုးလီၤအီၤဆူတၢ်ဒဲးဘးအပူၤမ့ၢ်ဂ့ၤနီတမံၤတဂ့ၤ အဂီၢ်တခီန့ၣ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

ဧ့ၤဘြံၤ 2:2

တၢ်ကစီၣ်လၢကလူးတဖၣ်ဟ့ၣ်လီၤပမိၢ်ပၢ်ဖံဖုလၢပျၢၤ တဖၣ်မ့ၢ်တၢ်လၢအတီဒီးပှၤတဂၤလၢ်လၢ်လၢအတစူၢ်ဒီး ဒိကနၣ်အီၤတဖၣ်ဘၣ်တၢ်စံၣ်ညီၣ်အီၤဒ်အကြၢးအဘၣ်ဝဲ အသိးန့ၣ်လီၤ.