ရိမ့ၤ 11:8 - Sgaw Karen Common Bible

⁸ ဒ်တၢ်ကွဲးအသးစံးဝဲအသိး, “ကစၢ်ယွၤဟ့ၣ်အဝဲသ့ၣ်လၢ တၢ်သူၣ်ဃၢသးဃၢဒီးတုၤမုၢ်မဆါတနံၤအံၤန့ၣ်အဝဲသ့ၣ် တထံၣ်တၢ်လၢအမဲာ်ချံဒီးတနၢ်ဟူတၢ်လၢအနၢ်ဒၣ်ဝဲဘၣ်.”

ရိမ့ၤ 11:8 Iomraidhean Croise

လံာ်စီၤပၤခံဘ့ၣ်တဘ့ၣ် 17:34

အဝဲသ့ၣ်မၤထွဲဒံးတၢ်လုၢ်တၢ်လၢ်အလီၢ်လံၤတဖၣ်တုၤလၢမုၢ်မဆါ တနံၤအံၤန့ၣ်လီၤ. အဝဲသ့ၣ်တဘူၣ်ထီၣ်ဘါထီၣ်ယွၤမ့ၢ်ဂ့ၤ, တဒိကနၣ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်မ့ၢ် ဂ့ၤ, လၢအဝဲဟ့ၣ်လီၤတ့ၢ်အီၤဆူစီၤယၤကိာ်လၢအကိးက့ၤဝဲအမံၤလၢ စီၤအံၣ်စရ့လးအစၢၤအသွဲၣ်, တဖၣ်အအိၣ်, န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 17:41

လၢတၢ်န့ၣ်အဃိ, ပှၤဂီၢ်မုၢ်သ့ၣ်တဖၣ်န့ၣ်, ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအတၢ်ဂီၤတၢ်ဖီၣ်တဖၣ်, ဒီးတုၤလီၤလၢမုၢ်မဆါတနံၤအံၤန့ၣ်အဝဲသ့ၣ်အစၢၤအသွဲၣ်တဖၣ် မၤဒံးဒၣ်တၢ်တမံၤဃီဒ်န့ၣ်အသိးလီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 6:9

အန့ၣ်ဒီး, အဝဲစံးဘၣ်ယၤလၢယကလဲၤဒီးစံးဘၣ်တဲဘၣ် အပှၤဂီၢ်မုၢ်လၢတၢ်ကစီၣ်အအံၤ, “သုဒိကနၣ်ထဲလဲၣ်ထဲလဲၣ် နာ်က့, သုတနၢ်ပၢၢ်ဘၣ်. သုကွၢ်ထံတၢ်ထဲလဲၣ်ထဲလဲၣ်နာ်က့, သုတသ့ၣ်ညါတၢ်လၢအမၤအသးတဖၣ်ဘၣ်.”

လံာ်ယံးရမံယၤ 5:21

သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

မၤတၢ် 28:26

အဂ့ၢ်ဒ်အံၤ အဝဲဒၣ်စံးဝဲ, ‘လဲၤဆူပှၤတကလုာ်အအိၣ်ဒီးစံး, သုကဒိကနၣ်ဝံၤဒိကနၣ်က့ၤ, ဘၣ်ဆၣ်သုတနၢ်ပၢၢ်သုဝဲဘၣ်. သုကကွၢ်ဝံၤကွၢ်က့ၤဘၣ်ဆၣ်သုတထံၣ်တၢ်ဘၣ်.

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.