ရိမ့ၤ 11:30 - Sgaw Karen Common Bible

³⁰ မ့မ့ၢ်လၢသုဝဲပှၤကလုာ်ဂၤတဖၣ်အဂီၢ်န့ၣ်, လၢအပူၤကွံာ်သုတဒိကနၣ်ကစၢ်ယွၤဘၣ်. ဘၣ်ဆၣ်ခဲအံၤသုဒိးန့ၢ်ကစၢ်ယွၤအတၢ်သး ကညီၤမ့ၢ်လၢပှၤယူဒၤဖိတဖၣ်တဒိကနၣ်တၢ်အဃိလီၤ.

ရိမ့ၤ 11:30 Iomraidhean Croise

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

ရိမ့ၤ 11:31

လၢကျဲဒ်န့ၣ်အသိး, မ့ၢ်လၢတၢ်သးကညီၤလၢသုဒိးန့ၢ်ဘၣ်အီၤအံၤ အဃိ, အခဲအံၤပှၤယူဒၤဖိတဖၣ်တဒိကနၣ်ယွၤဘၣ်. ဒီးတၢ်အံၤမ့ၢ်ဒ် သိးအဝဲသ့ၣ်စ့ၢ်ကီးကဒိးန့ၢ်ဘၣ်ကစၢ်ယွၤအတၢ်သးကညီၤ အဂီၢ်န့ၣ်လီၤ.

ရိမ့ၤ 15:9

ဒီးလၢကမၤစၢၤစ့ၢ်ကီးပှၤကလုာ်ဂၤတဖၣ်ဒ်သိးကစံးထီၣ်ပတြၢၤ ကစၢ်ယွၤလၢအတၢ်သးကညီၤအဃိန့ၣ်လီၤ. ဒ်တၢ်ကွဲးအသးစံးဝဲအသိး, လၢတၢ်အံၤအဃိယကစံးထီၣ်ပတြၢၤနၤလၢပှၤ ကလုာ်ဂၤတဖၣ်အကျါ, ယကသးဝံၣ်စံးထီၣ်ပတြၢၤနမံၤလီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

ကလီးစဲ 3:7

လၢညါန့ၣ်, သုဝဲသုအိၣ်မူတ့ၢ်ဒ်တၢ်မိၣ်န့ၢ်သးလီတဖၣ်အံၤ အတၢ်မၢန့ၢ်ဆီၣ်ခံသုအသိး, ဖဲသုဒိးပၢဒိးဆှၢတ့ၢ်သုသးလၢတၢ်သ့ၣ်တဖၣ်န့ၣ်လီၤ.

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

ဧ့ၤဘြံၤ 3:18

ပှၤလၢကစၢ်ယွၤဆိၣ်လီၤအသးလၢအတလဲၤနုာ်ဘၣ်ဝဲဆူ အတၢ်အိၣ်ဘှံးအပူၤလ့ၤတက့ၤဘၣ်န့ၣ်မ့ၢ်မတၤတဖၣ် လဲၣ်. မ့ၢ်ပှၤလၢအတဒိကနၣ်တၢ်တဖၣ်တမ့ၢ်ဘၣ်ဧါ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).