ရိမ့ၤ 11:16 - Sgaw Karen Common Bible

¹⁶ ကိၣ်ကမူၣ်ကျဲအသးဒီးထံအဆိကတၢၢ်တစှီၤမ့ၢ်ဘၣ်တၢ်လုၢ် ထီၣ်အီၤဆူကစၢ်ယွၤအအိၣ်ဒီး, ကိၣ်ဒီလိၣ်မ့ၢ်အတၢ်စ့ၢ်ကီး လီၤ. ဒီးသ့ၣ်တထူၣ်အဂံၢ်တဖၣ်မ့ၢ်ဘၣ်တၢ်ဟ့ၣ်လီၤကစၢ်ယွၤဒီး, သ့ၣ်အဒ့တဖၣ်မ့ၢ်အတၢ်စ့ၢ်ကီးန့ၣ်လီၤ.

ရိမ့ၤ 11:16 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 7:14

အဂ့ၢ်ဒ်အံၤ, ဝၤလၢအတစူၢ်က့ၤနာ်က့ၤတၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအမါ, ဒီးအမါလၢအတစူၢ်တနာ်တၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအဝၤ, ပှၤခရံာ်ဖိတဂၤန့ၣ်လီၤ. မ့တမ့ၢ်ဒ်န့ၣ်ဘၣ်ဒီး, အဝဲသ့ၣ်အဖိအလံၤတဖၣ်ကလီၤဂာ်ဒ်ပှၤသူခိၣ်ဖိအဖိအလံၤ အသိးလီၤ. ဘၣ်ဆၣ်ဒီး, ဒ်တၢ်မၤအသးအသိးန့ၣ်, အဝဲသ့ၣ်ဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤ အမဲာ်ညါလီၤ.

လံာ်သိၣ်လီၤသီလီၤတၢ် 18:4

အဝဲသ့ၣ်ကဘၣ်ဒိးန့ၢ်ဘၣ်ဘုဧိၤဟုဧိၤ, စပံးထံ, သ့ၣ်စၤယံးအသိဒီးသိဆူၣ်အတၢ်ဟ့ၣ်နီၤအဆိကတၢၢ်တမံၤန့ၣ်လီၤ.

လံာ်သိၣ်လီၤသီလီၤတၢ် 26:10

လၢတၢ်န့ၣ်အဃိခဲအံၤ, တၤသူတၤသၣ်လၢယွၤဟ့ၣ်တ့ၢ်ယၤလၢယကကူး က့ၤအီၤအခီၣ်ထံးတပူန့ၣ်, ယဟဲစိာ်အီၤဆူ ယွၤအအိၣ်န့ၣ်လီၤ.’ အန့ၣ်ဝံၤဒီးပာ်လီၤနာ်လၢယွၤအမဲာ်ညါဒီးဘူၣ်ထီၣ်ဘါထီၣ်တၢ် ဖဲန့ၣ်တက့ၢ်.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.