ရိမ့ၤ 11:13 - Sgaw Karen Common Bible

¹³ အခဲအံၤယကတိၤတၢ်ဒီးသုဝဲလၢ အမ့ၢ်ပှၤကလုာ်ဂၤတဖၣ်န့ၣ် လီၤ. ဒ်ယမ့ၢ်ဒံးပှၤတၢ်မၢဖိလၢပှၤကလုာ်ဂၤတဖၣ်အဂီၢ်အသိး, ယပာ်ကဖၢလၢယသးလၢယတၢ်မၤအပူၤလီၤ.

ရိမ့ၤ 11:13 Iomraidhean Croise

မၤတၢ် 13:2

ဖဲအဝဲသ့ၣ်ဘူၣ်ထီၣ်ဘါထီၣ်တၢ်ဒီးဒုၣ်တၢ်အီၣ်တၢ်အီအဆၢ ကတီၢ်န့ၣ်, သးစီဆှံစံးဘၣ်အီၤ, “ပာ်လီၤဆီန့ၢ်ယၤစီၤဘၢ်နါဘၤဒီး စီၤစီလူး, ဒ်သိးအကမၤတၢ်မၤလၢယကိးန့ၢ်အီၤလၢအကမၤဝဲ အဂီၢ်န့ၣ်တက့ၢ်.”

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.