ရိမ့ၤ 10:8 - Sgaw Karen Common Bible

⁸ တၢ်လၢအစံးဝဲတခီမ့ၢ်တၢ်အံၤ, “ကစၢ်ယွၤအတၢ်ကစီၣ်အိၣ်ဘူး ဒီးနၤ, အိၣ်လၢနထးခိၣ်လိၤဒီးလၢနသးကံၢ်ပူၤ” ဒ်ပစံးတၢ်အသိး, တၢ်စူၢ်တၢ်နာ်အတၢ်ကစီၣ်လၢပစံၣ်တဲၤတဲလီၤအီၤန့ၣ်လီၤ (သိၣ်သီ ၃၀:၁၂-၁၄).

ရိမ့ၤ 10:8 Iomraidhean Croise

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

မၤတၢ် 16:31

အဝဲသ့ၣ်စံးဘၣ်အီၤ, “စူၢ်က့ၤနာ်က့ၤကစၢ်ယ့ၣ်ၡူးတက့ၢ်. ဒီးနကဘၣ်တၢ်အုၣ်က့ၤခီၣ်က့ၤနၤ, နဝဲဒီး နပှၤဟံၣ်ဖိဃီဖိ တဖၣ်န့ၣ်လီၤ.”

ရိမ့ၤ 10:17

သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

လံာ်သိၣ်လီၤသီလီၤတၢ် 30:14

မ့မ့ၢ်, တၢ်န့ၣ်အိၣ်ဝဲဒီးသုဖဲအံၤလီၤ. သုသ့ၣ်ညါအီၤဒီး ယၢၤထီၣ်က့ၤအတၢ်ကွဲးအသးတဖၣ်ကသ့ဝဲလီၤ. လၢတၢ်န့ၣ်အဃိ, ခဲကနံၣ်အံၤစူၢ်အီၤတက့ၢ်.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 1:25

မ့မ့ၢ်, ကစၢ်ယွၤအကလုၢ်ကထါအိၣ်ဝဲဆိးဝဲ လီၤထူလီၤယိာ်လီၤ” (ၡါ ၄၀:၆-၈). ဒီးတၢ်ကလုၢ်အံၤမ့ၢ်တၢ်သးခုကစီၣ်လၢအဘၣ်တၢ်စံၣ်တဲၤတဲလီၤ န့ၢ်သုန့ၣ်လီၤ.