ရိမ့ၤ 10:21 - Sgaw Karen Common Bible

²¹ မ့မ့ၢ်တၢ်ဘၣ်ဃးဒီးအံၣ်စရ့လးန့ၣ်အဝဲစံး, “ယယူာ်ဃီၤယစု ဆူပှၤလၢအတဒိကနၣ်တၢ်ဒီးပူထီၣ်လီထီၣ်တၢ်တကလုာ်အအိၣ် သ့တနံၤကျၢၤန့ၣ်လီၤ.”

ရိမ့ၤ 10:21 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

တၢ်ကတိၤဒိ. 1:24

ယကိးတ့ၢ်သုဒီးကွဲသုလၢသုကဟဲ, ဘၣ်ဆၣ်သုတဒိကနၣ်ဘၣ်. သုတကနၣ်ဃုာ်ယၤဘၣ်.

လံာ်ယံးရမံယၤ 25:4

ယွၤဆှၢလီၤန့ၢ် သုအခ့အပှၤအဝံတဖၣ် တထံၣ်ဃီဒၣ်လဲာ်, သုတဒိကနၣ်အီၤမ့ၢ်ဂ့ၢ်, ပာ်ကဲအီၤမ့ၢ်ဂ့ၤ, န့ၣ်ဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

လံာ်သိၣ်လီၤသီလီၤတၢ် 9:13

ယွၤစံးဘၣ်စ့ၢ်ကီးယၤ, ပှၤဂီၢ်မုၢ်အံၤအခိၣ်ကိၤဝဲဆံးအါဆံး အါလဲၣ်န့ၣ်ယသ့ၣ်ညါယဲလီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.