ရိမ့ၤ 10:17 - Sgaw Karen Common Bible

¹⁷ သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

ရိမ့ၤ 10:17 Iomraidhean Croise

လံာ်စီၤယိၤဘး 42:5

လၢအပူၤကွံာ်န့ၣ်ယနၢ်ဟူတ့ၢ်နဂ့ၢ်ထဲဒၣ်လၢယနၢ်လီၤ. မ့မ့ၢ်ခဲကနံၣ်အံၤယထံၣ်ဘၣ်လံနၤလၢယမဲာ်ချံဒၣ်ယဲလံ.

လံာ်မၢ်ကူး 4:24

အဝဲဒၣ်စံးဘၣ်စ့ၢ်ကီးအဝဲသ့ၣ်, “တၢ်လၢသုနၢ်ဟူဘၣ်အံၤန့ၣ်ကနၣ်အီၤထံထံဆးဆးတက့ၢ်. သုအိၣ်ဒီးနီၣ်ထိၣ်တဖၣ်လၢသုကစံၣ်ညီၣ်ပှၤဂၤတဖၣ်အဂီၢ်လီၤ. ကစၢ်ယွၤကစံၣ်ညီၣ်သုဒ်သုနီၣ်ထိၣ်န့ၣ်အသိးဒီးကဆူၣ်န့ၢ်ဒံး အဝဲန့ၣ်တက့ၢ်လီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 8:11

တၢ်ကတိၤဒိတထံၣ်အံၤအခီပညီမ့ၢ်ဝဲဒ်အံၤ, တၢ်ချံမ့ၢ်ဝဲကစၢ်ယွၤအကလုၢ်ကထါလီၤ.

လံာ်လူၤကၣ် 8:21

ယ့ၣ်ၡူးစံးဘၣ်အဝဲသ့ၣ်ကိးဂၤဒဲး, “ယမိၢ်ဒီးယဒီပုၢ်ဝဲၢ်ခွါတဖၣ်မ့ၢ်ဝဲပှၤသ့ၣ်တဖၣ်လၢ အနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 1:37

အပျဲၢ်အဘီၣ်ခံဂၤနၢ်ဟူစီၤယိၤဟၣ်ကတိၤတၢ်အံၤဒီး ပိာ်ထီၣ်ယ့ၣ်ၡူးအခံန့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 10:14

ဘၣ်ဆၣ်ဒီးအဝဲသ့ၣ်မ့ၢ်တနာ်တၢ်ဘၣ်ဒီးကိးထီၣ်အီၤ ကသ့ဒ်လဲၣ်. ဒီးအဝဲဒၣ်မ့ၢ်တနၢ်ဟူဘၣ်တၢ်ကစီၣ်ဘၣ်ဒီး, နာ်တၢ်ကသ့ဒ်လဲၣ်. ဒီးတၢ်ကစီၣ်မ့ၢ်တဘၣ်တၢ်စံၣ်တဲၤတဲ လီၤအီၤဘၣ်ဒီး, နၢ်ဟူတၢ်ကသ့ဒ်လဲၣ်.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.