ရိမ့ၤ 10:15 - Sgaw Karen Common Bible

¹⁵ ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

ရိမ့ၤ 10:15 Iomraidhean Croise

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်မးသဲ 9:38

ဘါထုကဖၣ်ဆူစံာ်အကစၢ်ဒ်သိးအကဆှၢလီၤပှၤမၤတၢ်ဖိတဖၣ် လၢကထၢဖှိၣ်က့ၤအဘုအဂီၢ်တက့ၢ်.”

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်လူၤကၣ် 8:1

တၢ်မၤအသးဝံၤအလီၢ်ခံတစိၢ်တလီၢ်န့ၣ်, ယ့ၣ်ၡူးလဲၤတၢ်ဒီးခီဂာ်ဝ့ၢ်တဖၣ်ဒီးသဝီတဖၣ်, ဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးကစၢ်ယွၤ အဘီအမုၢ်လီၤ. ပှၤတၢ်မၢဖိတဆံခံဂၤလဲၤဃုာ်ဒီးအီၤ,

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:15

လၢတၢ်န့ၣ်အဃိ, ယသးဆူၣ်စံၣ်တဲၤတဲလီၤတၢ်သးခုကစီၣ်လၢ သုဝဲလၢအအိၣ်လၢဝ့ၢ်ရိမ့ၤအပူၤတဖၣ်အဂီၢ်စ့ၢ်ကီးန့ၣ်လီၤ.

ရိမ့ၤ 15:20

ယတၢ်သးစၢၢ်ဆၢထဲတမံၤဧိၤမ့ၢ်ဒၣ်တၢ်စံၣ်တဲၤတဲလီၤတၢ်သးခုကစီၣ် ဖဲတၢ်လီၢ်တဖၣ်လၢပှၤတနၢ်ဟူဘၣ်ဒံးခရံာ်အမံၤ, ဒ်သိးယသုတသူၣ်ထီၣ်ဘှီထီၣ်ဘၣ်တၢ်လၢတၢ်အခီၣ်ထံးလၢ ပှၤဂၤပာ်လီၤတ့ၢ်လံဝဲအဖီခိၣ်တဂ့ၤအဂီၢ်န့ၣ်လီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 6:15

သိးထီၣ်တၢ်သးခုကစီၣ်ဘၣ်ဃးဒီးတၢ်ဃူတၢ်ဖိးဒ်ခီၣ်ဖံး အသိးတက့ၢ်.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.