ရိမ့ၤ 1:5 - Sgaw Karen Common Bible

⁵ ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 1:5 Iomraidhean Croise

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

ရိမ့ၤ 3:29

ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 9:2

ပှၤဂုၤပှၤဂၤတဖၣ်မ့ၢ်တတူၢ်လိာ်ယၤဒ်ပှၤတၢ်မၢဖိတဂၤအသိး ဒၣ်လဲာ်န့ၣ်, သပှၢ်ကတၢၢ်သုဝဲသုတူၢ်လိာ်ကစီဒီလီၤ. ခီဖျိသုတၢ်အိၣ်မူပာ်ဖှိၣ်ဃုာ်သုသးဒီးကစၢ်န့ၣ်, သုနီၢ်ကစၢ်ဒၣ်သုဝဲသုမ့ၢ်တၢ်အုၣ်အသးဘၣ်ဃးဒီးယမ့ၢ်ပှၤတၢ် မၢဖိတဂၤအဂ့ၢ်န့ၣ်လီၤ.

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.