ရိမ့ၤ 1:31 - Sgaw Karen Common Bible

³¹ အဝဲသ့ၣ်အသးလၢအသ့ၣ်ညါဒၣ်တၢ်တအိၣ်ဘၣ်. အဝဲသ့ၣ်တမၤလၢပှဲၤအတၢ်အၢၣ်လီၤအီလီၤတဖၣ်ဘၣ်, ဒီးတဒုးနဲၣ်တၢ်သူၣ်ဂ့ၤသးဝါမ့ၢ်ဂ့ၤ, တၢ်သးကညီၤမ့ၢ်ဂ့ၤဆူပှၤဂၤ တဖၣ်န့ၣ်ဘၣ်.

ရိမ့ၤ 1:31 Iomraidhean Croise

တၢ်ကတိၤဒိ. 18:2

ပှၤဟးဂီၤဖိတဂၤန့ၣ်သ့ၣ်ညါနၢ်ပၢၢ်တၢ်တမံၤဧါ, တသ့ၣ်ညါဝဲ ဘၣ်ဧါန့ၣ်တကနာ်ဃုာ်ဝဲဘၣ်. ကယဲၢ်တၢ်လၢအသးအိၣ်မၤဝဲ တဖၣ်န့ၣ်, မ့ၢ်တၢ်ဒုးနဲၣ်အတၢ်သ့တၢ်ဘၣ်ဒ်လဲၣ်ဒ်လဲၣ်န့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 33:8

ကျဲမုၢ်ဒိၣ်တဖၣ်လီၤပျံၤလီၤဘၣ်ယိာ်ဝဲတုၤဒၣ်လဲာ်ပှၤတလဲၤ တၢ်က့ၤတၢ်လၢအလိၤနီတဂၤလၢၤဘၣ်. ထံကီၢ်ကဒဲကဒဲအတၢ် အၢၣ်လီၤလိာ်သးတဖၣ်ဘၣ်တၢ်မၤဟးဂီၤကွံာ်အီၤဒီးတၢ်သး လီၤပလိာ်ဃုာ်တဖၣ်ဘၣ်တၢ်မၤတရီတပါအီၤလီၤ. တၢ်ပာ်ကဲတအိၣ်လၢၤဘၣ်လၢပှၤနီတဂၤအဖီခိၣ်နီ တစုလၢၤဘၣ်.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်မးသဲ 15:16

ယ့ၣ်ၡူးစံးဆၢဝဲ, “သုဝဲစ့ၢ်ကီးသုတနၢ်ပၢၢ်ဒံးဘၣ်ဧါ.

လံာ်မၢ်ကူး 7:18

ယ့ၣ်ၡူးစံးဘၣ်အဝဲသ့ၣ်, “သုတၢ်သ့ၣ်ညါနၢ်ပၢၢ်တထီၣ်ဘးဒ်ပှၤဂၤတဖၣ်အသိးလီၤမးလဲၣ်. တၢ်အိၣ်လၢတၢ်ချၢလၢအလဲၤနုာ်ဆူပှၤတဂၤအပူၤ ဒီးကမၤတကဆှီအီၤတအိၣ်နီတမံၤဘၣ်န့ၣ်, သုတနၢ်ပၢၢ်ဘၣ်ဧါ.

ရိမ့ၤ 3:11

ပှၤသူၣ်ဖးသးဖးတအိၣ်နီတဂၤဘၣ်, ဒီးပှၤလၢအဃုကစၢ်ယွၤတအိၣ်နီတဂၤဘၣ်.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.