ရိမ့ၤ 1:30 - Sgaw Karen Common Bible

³⁰ အဝဲသ့ၣ်သီၣ်ဝံသဲကလၤ, ကတိၤအၢကတိၤသီလိာ်သးတဂၤဒီးတဂၤ န့ၣ်လီၤ. အဝဲသ့ၣ်သူၣ်ဟ့သးဟ့ကစၢ်ယွၤ, တယူးယီၣ်ပာ်ကဲတၢ်ဘၣ်, ပာ်ကဖၢလၢအသးဒီးတဲဒိၣ်တဲသွါလီၤအသးန့ၣ်လီၤ. အဝဲသ့ၣ်ဃုဆိကမိၣ်အါထီၣ်ကျဲလၢအကမၤတၢ်အၢတၢ်သီဒီး တဒိကနၣ်အမိၢ်အပၢ်တဖၣ်အကလုၢ်န့ၣ်ဘၣ်.

ရိမ့ၤ 1:30 Iomraidhean Croise

လံာ်စီၤပၤအခီၣ်ထံးတဘ့ၣ် 20:11

စီၤပၤအၤဃာ်စံးဆၢဝဲ, “တဲဘၣ်စီၤပၤဘ့ၣ်ဟဒးလၢပှၤသုးဖိ နီၢ်နီၢ်တဂၤန့ၣ်, ကတိၤပာ်ကဖၢလၢလီၤဒၣ်အသးလၢတၢ်ဒုးတဘျီ ဝံၤအလီၢ်ခံဒီးတမ့ၢ်ဘၣ်တချုးလၢဒုးတၢ်န့ၣ်ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:19

ခဲကနံၣ်အံၤစီၤအမၤစယါဧၢ, နကတိၤဒိၣ်ကတိၤသွါလီၤနသးလၢ နမၤနၢၤကွံာ်ပှၤအဒိၣ်ဖိတဖၣ်ဘၣ်ဆၣ်ယဟ့ၣ်ကူၣ်နၤလၢနကအိၣ်ဒၣ်လၢ နဟံၣ်န့ၣ်လီၤ. ဘၣ်မနုၤအဃိနထိၣ်ဂဲၤထီၣ်တၢ်ကီ တၢ်ခဲလၢကဟဲစိာ်န့ၢ်နၤဒီးနပှၤဂီၢ်မုၢ်ထဲတၢ်တတၢးတနါဧိၤ န့ၣ်လဲၣ်.”

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

စံးထီၣ်ပတြၢၤ 49:6

ပှၤလၢအနာ်န့ၢ်အတၢ်ထူးတၢ်တီၤ ဒီးပာ်ကဖိအသးလၢအတၢ်ထူးတၢ်တီၤ အဒိၣ်အအါအဃိသ့ၣ်တဖၣ်န့ၣ်ဘၣ်.

စံးထီၣ်ပတြၢၤ 5:5

ပှၤပာ်ကဖိအသးန့ၣ်တဆၢထၢၣ်ဘၣ်လၢနမဲာ်ညါ, နသးဟ့ကယဲၢ်ပှၤမၤတၢ်အၢတၢ်သီခဲလၢာ်န့ၣ်လီၤ.

စံးထီၣ်ပတြၢၤ 52:1

ပှၤအဆူၣ်တဂၤဧၢ, ဘၣ်မနုၤလၢ နပာ်ကဖိနသးလၢနမၤကမၣ်တၢ်အဃိန့ၣ်လဲၣ် ကစၢ်ယွၤအတၢ်အဲၣ်န့ၣ်. အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 81:15

ပှၤလၢအသးဟ့ယၤတဖၣ်ကဆုးလီၤအခိၣ်လၢ ယမဲာ်ညါလၢတၢ်ပျံၤအပူၤ, တၢ်သိၣ်ဃီၣ်လၢအဂီၢ်ကအိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 94:4

ပှၤမၤကမၣ်တၢ်တဖၣ်အံၤ ကပာ်ထီၣ်ထီအသးဒီး ပာ်ကဖၢလၢအသးလၢ အတၢ်မၤကမၣ်တဖၣ်အဃိန့ၣ်ဆံးယံာ်ဒံးလဲၣ်.

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

စံးထီၣ်ပတြၢၤ 99:8

ယွၤပကစၢ်ဧၢ, နစံးဆၢနပှၤဂီၢ်မုၢ်, နဒုးနဲၣ်အဝဲသ့ၣ်လၢ နမ့ၢ်ကစၢ်ယွၤတဂၤလၢ အပျၢ်တၢ်ကမၣ် ဖဲနစံၣ်ညီၣ်အဝဲသ့ၣ်လၢ အတၢ်ဒဲးဘးတဖၣ်အဃိဒၣ်လဲာ်န့ၣ်လီၤ.

တၢ်ကတိၤဒိ. 24:8

နမ့ၢ်ကူၣ်ကျဲၤတၢ်အၢတၢ်သီထီဘိဒီး, နမံၤကဟူထီၣ်သါလီၤလၢ နမ့ၢ်ပှၤမၤကီမၤခဲတၢ်တဂၤလီၤ.

တၢ်ကတိၤဒိ. 25:23

တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ပှၤစံၣ်တဲၤတဲလီၤတၢ် 7:29

တၢ်အံၤမ့ၢ်တၢ်လၢယမၤလိန့ၢ်တ့ၢ်ခဲလၢာ်လီၤ. ယွၤတ့လီၤပှၤကညီလိၤလိၤဒီးဘျၢဘျၢလီၤ. ဘၣ်ဆၣ်ဒီးပမၤဒၢက့ၣ်ဒၢကူလီၤပသးနးမးလီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.

လံာ်မးသဲ 15:4

အဂ့ၢ်ဒ်အံၤ, ကစၢ်ယွၤမၤလိာ်ဝဲဒီးစံး, ‘ယူးယီၣ်နမိၢ်ဒီးနပၢ်တက့ၢ်. (ဟးထီၣ် ၂၀:၁၂), ဒီးကယဲၢ်ပှၤလၢအဆိၣ်အၢအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ်အဘၣ်တၢ်မၤသံအီၤတက့ၢ်.’ (ဟးထီၣ် ၂၁:၁၇)

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်လူၤကၣ် 21:16

သုကဘၣ်တၢ်ဟ့ၣ်လီၤကွံာ်သုလၢသုမိၢ်သုပၢ်တဖၣ်, သုဒီပုၢ်ဝဲၢ်ခွါတဖၣ်, သုဘူးသုတံၢ်တဖၣ်, ဒီးသုတံၤသုသကိးတဖၣ်န့ၣ်လီၤ. သုဝဲတနီၤန့ၣ်အဝဲသ့ၣ်ကမၤသံဝဲလီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

မၤတၢ် 5:36

ဖဲအပူၤကွံာ်တယံာ်ဒံးဘၣ်န့ၣ်, စီၤသူဒါတဂၤဟဲပၢၢ်ထီၣ်ဒီးစံးလီၤအသးလၢအမ့ၢ် ပှၤဖးဒိၣ်တဂၤ, ဒီးပှၤလွံၢ်ကယၤဃၣ်ဃၣ်ပိာ်ထီၣ်အခံလီၤ. ဘၣ်ဆၣ်တုၤအဘၣ်တၢ်မၤသံကွံာ်အီၤဒီးပှၤပိာ်ထီၣ်အခံ တဖၣ်လီၤပြံလီၤပြါကွံာ်ခဲလၢာ်, ဒီးအတၢ်ဖံးတၢ်မၤန့ၣ်ကတၢၢ် ကွံာ်ဝဲဖဲန့ၣ်လီၤ.

ရိမ့ၤ 2:17

နဲဒၣ်တခီလဲၣ်, နကိးလီၤနသးလၢပှၤယူဒၤဖိတဂၤလီၤ. နသန့ၤနသးလၢတၢ်သိၣ်တၢ်သီဒီးနပာ်ကဖၢလၢနသးလၢခီဖျိ ယ့ၣ်ၡူးခရံာ်, ယွၤအဃိလီၤ.

ရိမ့ၤ 2:23

နပာ်ကဖၢလၢနသးလၢနအိၣ်ဒီးကစၢ်ယွၤအတၢ်သိၣ်တၢ်သီလီၤ. ဘၣ်ဆၣ်ဒီး, မ့ၢ်နမၤမဲာ်ဆှးကစၢ်ယွၤခီဖျိနလုၣ်သ့ၣ်ခါပတာ် အတၢ်သိၣ်တၢ်သီန့ၣ်ဧါ.

ရိမ့ၤ 3:27

မ့မ့ၢ်ဒ်န့ၣ်ဒီး, ပကပာ်ကဖၢလၢပသးလၢ မနုၤတမံၤအဃိလဲၣ်. တၢ်တအိၣ်နီတမံၤဘၣ်. ဒီးတၢ်အံၤမ့ၢ်လၢမနုၤအဃိန့ၣ်လဲၣ်. မ့ၢ်လၢပဒိကနၣ်တၢ်သိၣ်တၢ်သီအဃိဧါ. တမ့ၢ်ဘၣ်, မ့ၢ်လၢပစူၢ်က့ၤနာ်က့ၤတၢ်အဃိလီၤ.

၂ ကရံၣ်သူး 10:15

လၢတၢ်န့ၣ်အဃိ, ပတကတိၤပာ်ကဖၢလၢပသးဘၣ်ဃးဒီး တၢ်ဖံးတၢ်မၤလၢပှၤအဂၤတဖၣ်မၤဝဲလၢတၢ်ဖံးတၢ်မၤလၢ ကစၢ်ယွၤပာ်လီၤန့ၢ်ပှၤအကဝီၤပူၤအချၢန့ၣ်ဘၣ်. မ့မ့ၢ်ပမုၢ်လၢ် ပဝဲလၢသုတၢ်စူၢ်တၢ်နာ်ကဒိၣ်ထီၣ်, ဒီးပမၤတၢ်လၢအဒိၣ်န့ၢ် အလီၢ်လၢသုသိးသုကျါကသ့ဝဲ, ထီဘိလၢနီၣ်ထိၣ်လၢကစၢ်ယွၤပာ်လီၤန့ၢ်ပှၤအကဝီၤပူၤန့ၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 7:10

ဘၣ်ဆၣ်ဒီးအဝဲတမၤယံာ်မၤနီၣ်ဘၣ်အသးလၢကစံၣ်ညီၣ်ပှၤတဖၣ်လၢ အသးဟ့အီၤန့ၣ်ဘၣ်.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 3:5

ပျ့ၤမ့ၢ်တၢ်ဒ်န့ၣ်အသိးစ့ၢ်ကီးလီၤ. မ့ၢ်တၢ်ဆံးကိာ်ဖိသနာ်က့ ကတိၤဒိၣ်ကတိၤသွါလီၤက့ၤအသးဘၣ်ဃးအတၢ်မၤဖးဒိၣ် တဖၣ်အဂ့ၢ်သ့ဝဲလီၤ. ကွၢ်ဆိကမိၣ်မ့ၣ်အူလၣ်ဆံးကိာ်ဖိလၢအအီၣ်ကဲၤကပျီၤ ထီၣ်သ့ၣ်ပှၢ်ဖးဒိၣ်သ့ဝဲအဂ့ၢ်န့ၣ်တက့ၢ်.

ယၤကိာ် 4:16

ဘၣ်ဆၣ်ဒီး, ခဲအံၤသုပာ်ကဖၢလၢသုသးဒီးသုကတိၤဒိၣ် ကတိၤသွါတၢ်လီၤ. တၢ်ကတိၤဒ်န့ၣ်သိးခဲလၢာ်ကမၣ်ဝဲလီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.