ရိမ့ၤ 1:29 - Sgaw Karen Common Bible

²⁹ အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

ရိမ့ၤ 1:29 Iomraidhean Croise

စံးထီၣ်ပတြၢၤ 41:7

ပှၤလၢအသးဟ့ယၤခဲလၢာ် စံးကတိၤသကိးယဂ့ၢ်ကသွံဒံ, ဒီးအဝဲသ့ၣ်ဆိကမိၣ်ထီၣ်န့ၢ်တၢ်အအၢကတၢၢ် လၢအကဘၣ်ယၤန့ၣ်လီၤ.

တၢ်ကတိၤဒိ. 16:28

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.

တၢ်ကတိၤဒိ. 26:20

သ့ၣ်မုၣ်တအိၣ်ဘၣ်ဒီးမ့ၣ်အူလီၤပံာ်ဝဲလီၤ. တၢ်ကတိၤသီၣ်ဝံသဲကလၤတအိၣ်ဘၣ်န့ၣ်, တၢ်အ့ၣ်လိာ်ဆိးက့လိာ်ဆိကတီၢ်အသးလီၤ.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

ရိမ့ၤ 3:10

ဒ်တၢ်ကွဲးအသးစီဆှံစံးဝဲအသိး, “ပှၤအတီအလိၤတအိၣ်နီတဂၤဘၣ်.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.