ရိမ့ၤ 1:28 - Sgaw Karen Common Bible

²⁸ မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 1:28 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 22:27

နကဆှီနဲလၢပှၤတဖၣ်လၢအကဆှီဝဲအဂီၢ်, ဘၣ်ဆၣ်ဒီးနအၢနသီနဲလၢပှၤအၢပှၤသီတဖၣ် အဂီၢ်န့ၣ်လီၤ.

စံးထီၣ်ပတြၢၤ 69:27

လိာ်ကွီၢ်အဝဲသ့ၣ်လၢ တၢ်ကမၣ်တခါဝံၤတခါဒီး မ်အသုတဒိးန့ၢ်နတၢ်အုၣ်က့ၤခီၣ်က့ၤနီတမံၤတဂ့ၤ.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 1:29

သုတလိၣ်ဘၣ်တ့ၢ်တၢ်သ့ၣ်ညါလၢသုကသူအီၤဘၣ်, ဒီးတၢ်စူၢ်ယွၤန့ၣ်သုဂ့ၢ်လိာ်တ့ၢ်တဘိယူၢ်ဃီလီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 9:6

အဝဲသ့ၣ်မၤတၢ်စုဆူၣ်ခီၣ်တကးတမံၤဝံၤတမံၤ, ဒီးတၢ်လီတၢ်ဝ့ၤအတၢ်မၤပိာ်ထွဲထီၣ်အခံ တမံၤဝံၤတမံၤလီၤ. ယွၤစံးဝဲဒၣ်လၢအပှၤဂီၢ်မုၢ်ညိကွံာ်အီၤလံန့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယဃ့းစက့လး 20:25

အန့ၣ်ဝံၤဒီးယဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတဂ့ၤ, ဒီးတၢ်မၤလိာ်တဖၣ်လၢအတဟဲစိာ်ဘၣ်တၢ်မူဘၣ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

မၤတၢ် 17:23

အဂ့ၢ်ဒ်အံၤ, ဖဲယဟးလၢသုဝ့ၢ်ပူၤဒီးကွၢ်သုတၢ်ဘူၣ်တၢ်ဘါအလီၢ် တဖၣ်န့ၣ်, ယထံၣ်တၢ်လုၢ်လီၢ်တတီၤလၢတၢ်ကတိၤအိၣ်ကွဲးအသး လၢအဖီခိၣ်, ‘ကစၢ်ယွၤလၢတၢ်တသ့ၣ်ညါအီၤတဂၤအဂီၢ်’ န့ၣ်လီၤ. လၢတၢ်န့ၣ်အဃိ, ယွၤလၢသုဘူၣ်ထီၣ်ဘါထီၣ်ဒီးသုတသ့ၣ်ညါအီၤဒၣ်လဲာ်တဂၤန့ၣ်, ယစံၣ်တဲၤတဲလီၤန့ၢ်သုလၢအဂ့ၢ်ခဲကနံၣ်အံၤလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

ရိမ့ၤ 1:24

လၢတၢ်အံၤအဃိ, ကစၢ်ယွၤဟ့ၣ်လီၤကွံာ်အဝဲသ့ၣ်ဆူ တၢ်ဘၣ်အၢဘၣ်သီတဖၣ်လၢအဝဲသ့ၣ်သးအိၣ်မၤဝဲအအိၣ်, ဒီးတၢ်လၢအဝဲသ့ၣ်မၤလိာ်အသးတဂၤဒီးတဂၤတဖၣ်န့ၣ်, လီၤမဲာ်ဆှးမးန့ၣ်လီၤ.

ရိမ့ၤ 1:26

မ့ၢ်လၢပှၤကညီမၤတၢ်အံၤအဃိဒီး, ကစၢ်ယွၤဟ့ၣ်လီၤကွံာ်အဝဲသ့ၣ်ဆူတၢ်သူၣ်ကတၢသးကတၢလၢ အလီၤမဲာ်ဆှးတဖၣ်အပူၤန့ၣ်လီၤ. ပိာ်မုၣ်တဖၣ်ဒၣ်လဲာ်ဘိးဃၣ်ကဒါ ကွံာ်တၢ်သူပိာ်မုၣ်အက့ၢ်အဂီၤလၢကျဲအဘၣ်ဆူတၢ်သူအီၤလၢ အတမ့ၢ်ဘၣ်န့ဆၢၣ်အကျဲအကပူၤန့ၣ်လီၤ.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

အ့းဖ့းစူး 5:4

တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၂ တံၤမသ့း 3:8

ဒ်စီၤယၣ်နံၤဒီးစီၤယၣ်ဘြံၤထီဒါစီၤမိၤၡ့အသိးန့ၣ်, ပှၤတဖၣ်အံၤထီဒါစ့ၢ်ကီးတၢ်မ့ၢ်တၢ်တီဒီးမ့ၢ်ပှၤတဖၣ် လၢအဆိကမိၣ်ဆိကမးတၢ်တဘၣ်ဒီးလီၤတိၢ်ကွံာ်လၢ အတၢ်စူၢ်တၢ်နာ်န့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

ဖံၤလ့မိၣ် 1:8

လၢတၢ်ဂ့ၢ်အံၤအဃိ, ဒ်နဒီပုၢ်ဝဲၢ်ခရံာ်ဖိတဂၤအသိးယအိၣ်ဒီးတၢ်သးဒူလၢ ယကဟ့ၣ်လီၤယကလုၢ်လၢနကမၤတၢ်လၢအဂ့ၤဘၣ်တၢ်မၤအီၤ န့ၣ်လီၤ.

၂ ပ့းတရူး 3:5

အဝဲသ့ၣ်ပာ်သးပ့ၤနီၣ်စဲဃဲၤဒၣ်အသးလၢတၢ်မ့ၢ်တၢ်တီ တမံၤလၢအမ့ၢ်ဝဲလၢထံးလၢသီလံၤလံၤကစၢ်ယွၤခါလီၤ အကလုၢ်ဒီးမူခိၣ်ဒီးဟီၣ်ခိၣ်ကဲထီၣ်ဝဲန့ၣ်လီၤ. ဟီၣ်ခိၣ်ဟဲကဲထီၣ်လၢထံကျါဒီးခီဖျိထံအံၤ,