ရိမ့ၤ 1:24 - Sgaw Karen Common Bible

²⁴ လၢတၢ်အံၤအဃိ, ကစၢ်ယွၤဟ့ၣ်လီၤကွံာ်အဝဲသ့ၣ်ဆူ တၢ်ဘၣ်အၢဘၣ်သီတဖၣ်လၢအဝဲသ့ၣ်သးအိၣ်မၤဝဲအအိၣ်, ဒီးတၢ်လၢအဝဲသ့ၣ်မၤလိာ်အသးတဂၤဒီးတဂၤတဖၣ်န့ၣ်, လီၤမဲာ်ဆှးမးန့ၣ်လီၤ.

ရိမ့ၤ 1:24 Iomraidhean Croise

လံာ်တၢ်ဘူၣ်ထီၣ်ဘါထီၣ် 18:22

ပိာ်ခွါတဘၣ်မံဃုာ်ဒီးပိာ်ခွါဒ်အမံဃုာ်ဒီး ပိာ်မုၣ်တဂၤအသိးန့ၣ်ဘၣ်. မ့ၢ်တၢ်သးဘၣ်အၢလၢယွၤလီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

1 ကရံၣ်သူး 6:13

ပှၤအဂၤတဂၤကစံးဝဲ, “တၢ်အီၣ်န့ၣ်မ့ၢ်ဝဲလၢဟၢဖၢအဂီၢ်, ဒီးဟၢဖၢန့ၣ်လၢတၢ်အီၣ်အဂီၢ်လီၤ.” မ့ၢ်လံ. ဘၣ်ဆၣ်ဒီး ယွၤကမၤဟးဂီၤကွံာ်အီၤခံမံၤလၢာ်လီၤ. နီၢ်ခိန့ၣ်တမ့ၢ်လၢတၢ်ကသူအီၤလၢတၢ်မၤကမၣ်မုၣ်ကမၣ်ခွါအဂီၢ် န့ၣ်ဘၣ်. မ့မ့ၢ်လၢတၢ်ကမၤတၢ်လၢကစၢ်ယွၤအဂီၢ်, ဒီးကစၢ်ယွၤဟ့ၣ်တၢ်လၢနီၢ်ခိလိၣ်ဘၣ်ဝဲန့ၣ်လီၤ.

1 ကရံၣ်သူး 6:18

ဟးဆှဲးတၢ်မၤကမၣ်မုၣ်ကမၣ်ခွါတက့ၢ်. တၢ်ဒဲးဘးအဂၤတမံၤမံၤလၢပှၤကညီတဂၤမၤဝဲန့ၣ်, တမၤဘၣ်ဒိဘၣ်ထံးအနီၢ်ခိဘၣ်. မ့မ့ၢ်ပှၤတဂၤလၢအမၤ ကမၣ်မုၣ်ကမၣ်ခွါန့ၣ်, မၤဘၣ်တၢ်ဒဲးဘးထီဒါအနီၢ်ခိဒၣ်ဝဲန့ၣ်လီၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

၁ သ့းစၤလနံ 4:4

သုဝဲပိာ်ခွါတဂၤဘၣ်တဂၤသုကြၢးသ့ၣ်ညါ, အိၣ်မူဒီးသုမါလၢတၢ်စီတၢ်ဆှံဒီးတၢ်လၤတၢ်ကပီၤ အပူၤ,