ရိမ့ၤ 1:23 - Sgaw Karen Common Bible

²³ လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.

ရိမ့ၤ 1:23 Iomraidhean Croise

စံးထီၣ်ပတြၢၤ 106:20

အဝဲသ့ၣ်လဲလိာ်ကစၢ်ယွၤအလၤကပီၤဒီး ဆၣ်ဖိကီၢ်ဖိလၢအအီၣ်နီၣ်ဧိၤမံၤဧိၤတဒုအဂီၤန့ၣ်လီၤ.

လံာ်ယၡါယၤ 40:18

တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 40:26

ကွၢ်ထီၣ်တၢ်ဆူမူခိၣ်တက့ၢ်. ဆၣ်လၢနထံၣ်တဖၣ်န့ၣ်မတၤတ့လီၤပာ်လီၤအီၤလဲၣ်. မ့ၢ်ဒၣ်ပှၤတဂၤလၢအဆှၢထီၣ်အဝဲသ့ၣ်ဒ်သုးမုၢ်တဖုအသိးန့ၣ် လီၤ. ဆၣ်အိၣ်ပှဲၤဖျၢၣ်န့ၣ်အဝဲသ့ၣ်ညါဝဲ ဒီးကိးအီၤလၢအမံၤစုာ်စုာ်လီၤ. အစိအကမီၤဒိၣ်ဝဲတုၤဒၣ်လဲာ် လၢအကျါထဲတဖျၢၣ်ဧိၤန့ၣ်လီၤမၢ်တစုစုဧါ.

လံာ်ယၡါယၤ 44:13

ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

မၤတၢ် 10:12

လၢအပူၤန့ၣ်အိၣ်ဒီးဆၣ်ဖိကီၢ်ဖိအကလုာ်ကလုာ်, တၢ်စွါတၢ်စွဲအကလုာ်ကလုာ်, ဒီးထိၣ်ဧိၤလံာ်ဧိၤလၢအယူၤလၢမူကပိာ်လိၤအကလုာ်ကလုာ်န့ၣ်လီၤ.

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

ရိမ့ၤ 1:25

အဝဲသ့ၣ်ဆီတလဲကစၢ်ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးလၢအဝဲသ့ၣ်ကဘူၣ်ထီၣ်ဘါထီၣ်တၢ်ဘၣ်တ့ကစၢ်လၢအကြၢး ဒီးတၢ်စံးထီၣ်ပတြၢၤအီၤလီၤစိၤလီၤထီတဂၤအလီၢ်န့ၣ်, အဝဲသ့ၣ်ဘူၣ်ထီၣ်ဘါထီၣ်တၢ်ဘၣ်တ့တဖၣ်ဒီးမၤအတၢ်မၤန့ၣ်လီၤ.

1 ကရံၣ်သူး 12:2

သုသ့ၣ်ညါသုဝဲလၢဖဲသုမ့ၢ်ဒံးပှၤသူခိၣ်ဖိအဆၢကတီၢ်န့ၣ်, သုဘၣ်တၢ်ဆှၢဖျိးသုလၢကျဲအါဘိအပူၤဆူတၢ်ဘါတၢ်ဂီၤ တၢ်ဖီၣ်လၢအသးသမူတအိၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 5:8

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, လၢထံကျါလၢဟီၣ်ခိၣ်လာ်မ့ၢ်ဂ့ၤအက့ၢ်အဂီၤတဖၣ်န့ၣ်, မၤထီၣ်အီၤလၢနဂီၢ်ဒၣ်နဲတဂ့ၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.