ရိမ့ၤ 1:22 - Sgaw Karen Common Bible

²² အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

ရိမ့ၤ 1:22 Iomraidhean Croise

တၢ်ကတိၤဒိ. 25:14

ပှၤလၢအအၢၣ်လီၤအသးလၢကဟ့ၣ်တၢ်ဒီးတဟ့ၣ်ဝဲနီတဘျီဘၣ်တဖၣ် န့ၣ်, လီၤဂာ်ဒီးတၢ်အၢၣ်တဖၣ်ဒီးကလံၤလၢတဟဲစိာ်မူခိၣ်ထံ ဘၣ်အသိးန့ၣ်လီၤ.

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ယၡါယၤ 47:10

နနာ်န့ၢ်လီၤနသးလၢနတၢ်အၢတၢ်သီတဖၣ်အပူၤ ဒီးနဆိကမိၣ်တ့ၢ်လၢပှၤထံၣ်နၤတသ့ နီတဂၤဘၣ်န့ၣ်လီၤ. နတၢ်ကူၣ်သ့ဒီးနတၢ်သ့ၣ်ညါဆှၢကမၣ်နကျဲ, ဒီးနစံးလီၤနသး, ယမ့ၢ်ကစၢ်ယွၤဒီးပှၤဒ်သိးယၤ အဂၤတအိၣ်နီတဂၤဘၣ် န့ၣ်လီၤ.

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်မးသဲ 6:23

ဘၣ်ဆၣ်ဒီးသုမဲာ်ချံမ့ၢ်ယုာ်ဒီးသုနီၢ်ဒီဂၤညါကပှဲၤဒီး တၢ်ခံးတၢ်နၤလီၤ. တၢ်ကပီၤလၢအအိၣ်လၢသုပူၤမ့မ့ၢ်တၢ်ခံးတၢ်နၤဒီး, တၢ်ခံးတၢ်နၤန့ၣ် ကနးဝဲဆံးဒိၣ်လဲၣ်.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.