ရိမ့ၤ 1:16 - Sgaw Karen Common Bible

¹⁶ အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 1:16 Iomraidhean Croise

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

ရိမ့ၤ 10:17

သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

ရိမ့ၤ 2:9

တၢ်နးတၢ်ဖှီၣ်ဒီးတၢ်ဆူးတၢ်ဆါကအိၣ်ထီၣ်လၢပှၤလၢအမၤ တၢ်အၢတၢ်သီခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

1 ကရံၣ်သူး 2:2

အဂ့ၢ်ဒ်အံၤ, ဖဲယအိၣ်ဒီးသုန့ၣ်, ယပာ်လီၤတ့ၢ်ယသးဒ်သိးယကသးပ့ၤနီၣ်ကွံာ်တၢ်ခဲလၢာ် ဒီးသ့ၣ်နီၣ်ထီၣ်က့ၤထဲယ့ၣ်ၡူးခရံာ်ဒီးလီၤဆီဒၣ်တၢ်အဝဲ အတၢ်သံလၢထူၣ်စုညါအလိၤန့ၣ်လီၤ.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:18

မ့မ့ၢ်ဒ်န့ၣ်ဒီးယဒိးန့ၢ်ဘၣ်တၢ်ဘူးတၢ်လဲမနုၤတမံၤလဲၣ်. မ့ၢ်ဝဲယခွဲးယယာ်ဘၣ်ဃးဒီးတၢ်စံၣ်တဲၤတဲလီၤတၢ်သးခု ကစီၣ်တအိၣ်ဒီးတၢ်ဃ့အဘူးအလဲ, တအိၣ်ဒီးတၢ်ဃ့ယခွဲးယယာ်တဖၣ်လၢယတၢ်မၤတၢ်သးခုကစီၣ် အတၢ်မၤအပူၤန့ၣ်ဘၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ တံၤမသ့း 1:11

တၢ်သိၣ်လိသီလိအံၤဘၣ်တၢ်ထံၣ်န့ၢ်အီၤလၢတၢ်သးခု ကစီၣ်အပူၤ, လၢတၢ်ဟ့ၣ်လီၤအီၤလၢယစုပူၤဒ်သိးယကတဲ ဖျါထီၣ်အီၤအဂီၢ်, ဒီးမ့ၢ်တၢ်သးခုကစီၣ်လၢအဟဲလၢကစၢ်ယွၤလၢအအိၣ်ဒီး အလၤကပီၤဒီးဘၣ်တၢ်စံးထီၣ်ပတြၢၤအီၤတဂၤအအိၣ် န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.