ရိမ့ၤ 1:14 - Sgaw Karen Common Bible

¹⁴ အဂ့ၢ်ဒ်အံၤ, ယဒ့ၣ်ကမၢ်အိၣ်လၢပှၤကိးကလုာ်ဒဲး, ပှၤကြံးခ်ဖိမ့ၢ်ဂ့ၤ, ပှၤပှၢ်လၢ်ကျါမ့ၢ်ဂ့ၤ, ပှၤကူၣ်တၢ်သ့မ့ၢ်ဂ့ၤ, ပှၤကူၣ်တၢ်တသ့မ့ၢ်ဂ့ၤန့ၣ်လီၤ.

ရိမ့ၤ 1:14 Iomraidhean Croise

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 8:5

မ့ၢ်သုတဒိၣ်တုာ်ခိၣ်ပှဲၤဘၣ်ဧါ. မၤလိတၢ်ဒ်သိးသုကဒိၣ်တုာ် ခိၣ်ပှဲၤတက့ၢ်. မ့ၢ်သုသူၣ်တထံသးတဆးဘၣ်ဧါ. မၤလိအိၣ်ဒီးတၢ်သူၣ်ထံ သးဆးတက့ၢ်.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 28:2

ပှၤအိၣ်ဆိးဖဲကီးတဖျၢၣ်န့ၣ်အလိၤတဖၣ်ဂ့ၤလၢပဖီခိၣ်ဒိၣ်မး လီၤ. တၢ်ဟဲစူၤဒီးတၢ်ဂိၢ်အဃိ, အဝဲသ့ၣ်မၤကဲၤထီၣ်မ့ၣ်အူဒီးတူၢ်လိာ်ခီၣ်ဆၢပဝဲကိးဂၤဒဲးလီၤ.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

ရိမ့ၤ 13:8

သုတအိၣ်ဒီးဒ့ၣ်ကမၢ်လၢပှၤနီတဂၤတဂ့ၤ. မ့မ့ၢ်တၢ်လၢသုကဘၣ်မၤန့ၣ်အိၣ်ထဲတမံၤဧိၤဒီး အန့ၣ်မ့ၢ်သုကဘၣ်အဲၣ်လိာ်ကွံလိာ်သုသးတဂၤဒီး တဂၤန့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ် ဒိကနၣ်လံစီၤမိၤၡ့အတၢ်သိၣ်တၢ်သီလံ.

ရိမ့ၤ 16:19

ပှၤကိးဂၤဒဲးနၢ်ဟူတ့ၢ်သုတၢ်သးတီဒီးတၢ်သးခုအကစီၣ်, ဒီးလၢတၢ်ဂ့ၢ်အံၤအဃိယသးခုလၢသုဃိလီၤ. ယသးအိၣ်လၢသုကကူၣ်သ့လၢတၢ်လၢအဘၣ်ဃးဒီးတၢ်ဂ့ၤတၢ်ဝါ, ဒီးတသ့ၣ်ညါဘၣ်တၢ်လၢအဘၣ်ဃးဒီးတၢ်အၢတၢ်သီန့ၣ်လီၤ.

ရိမ့ၤ 8:12

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, တၢ်လီၤဘၣ်ပှၤလၢပသုတအိၣ်မူဒ်ပပှၤဟီၣ်ခိၣ်ဖိအန့ဆၢၣ်မၢပှၤ အသိးတဂ့ၤန့ၣ်လီၤ.

1 ကရံၣ်သူး 14:11

ဘၣ်ဆၣ်ဒီး, ယမ့ၢ်တနၢ်ပၢၢ်ကျိာ်လၢအဘၣ်တၢ်စံးကတိၤ အီၤဘၣ်န့ၣ်, ပှၤလၢအကတိၤအီၤတဂၤကမၤအသးဒ်ပှၤကလုာ် ဂၤလၢယဂီၢ်, ဒီးယကလီၤဂာ်ဒ်ပှၤကလုာ်ဂၤလၢအဝဲဒၣ်အဂီၢ်လီၤ.

1 ကရံၣ်သူး 14:16

ဖဲနဟ့ၣ်တၢ်စံးထီၣ်ပတြၢၤဆူကစၢ်ယွၤအအိၣ်ထဲလၢနီၢ်သးန့ၣ်, ပှၤမုၢ်ဆ့ၣ်မုၢ်ဂီၤလၢအဘူၣ်သကိးဘါသကိးတၢ်တဂၤကစံး, “အၤမ့ၣ်” လၢနတၢ်ထုကဖၣ်စံးထီၣ်ပတြၢၤယွၤန့ၣ်ကသ့ဝဲဒ်လဲၣ်. အဝဲနၢ်ပၢၢ်နတၢ်စံးတၢ်ကတိၤတဖၣ်တသ့ဝဲလၢကျဲနီတဘိဘၣ်လီၤ.

1 ကရံၣ်သူး 2:13

လၢတၢ်န့ၣ်အဃိ, ပတစံးကတိၤတၢ်လၢတၢ်ကတိၤတဖၣ်လၢအဘၣ်တၢ်သိၣ်လိအီၤ လၢပှၤကညီအတၢ်ကူၣ်ဘၣ်ကူၣ်သ့န့ၣ်ဘၣ်. မ့မ့ၢ်ပစံးကတိၤတၢ်လၢတၢ်ကတိၤတဖၣ်လၢသးစီဆှံသိၣ်လိပှၤမ့ၢ်လၢ ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူပှၤတဖၣ်လၢအအိၣ်ဒီး ကစၢ်ယွၤအသးစီဆှံအဃိန့ၣ်လီၤ.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

၂ ကရံၣ်သူး 10:12

သပှၢ်ကတၢၢ်, တမ့ၢ်ပကအိၣ်ဒီးတၢ်သးဒူလၢပကပာ်လီၤပသး တပူၤဃီမ့တမ့ၢ်, ထိၣ်သတြီၤပသးဒီးပှၤလၢအပာ်ဖျါထီၣ်ထီ အသးဒိၣ်ဒိၣ်ကလဲာ်တဖၣ်န့ၣ်ဘၣ်. အဝဲသ့ၣ်အီပံာ်အီပီမးဆံးဒိၣ်လဲၣ်. အဝဲသ့ၣ်ဒုးအိၣ်ထီၣ်အနီၣ်ထိၣ်ဒၣ်ဝဲလၢအကထိၣ်လီၤဒွးလီၤအသး အဂီၢ်, ဒီးစံၣ်ညီၣ်လီၤက့ၤအသးလၢအနီၢ်ကစၢ်ဒၣ်ဝဲအနီၣ်ထိၣ် တဖၣ်န့ၣ်လီၤ.

၂ ကရံၣ်သူး 11:19

သုနီၢ်ကစၢ်ဒၣ်သုဝဲသုကူၣ်ဘၣ်ကူၣ်သ့ဒိၣ်မးဒီးလၢတၢ်န့ၣ် အဃိ, သုဝံသးစူၤပှၤအပျုၢ်တဖၣ်လၢတၢ်သးအိၣ်အပူၤလီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.

၂ တံၤမသ့း 2:10

လၢတၢ်န့ၣ်အဃိ, ယတူၢ်တၢ်ခဲလၢာ်လၢကစၢ်ယွၤအပှၤဃုထၢ တဖၣ်အဂီၢ်ဒ်သိးအဝဲသ့ၣ်စ့ၢ်ကီးကန့ၢ်ဘၣ်တၢ်အုၣ်က့ၤခီၣ်က့ၤ လၢအဟဲခီဖျိယ့ၣ်ၡူးခရံာ်ဒီးဟဲစိာ်တၢ်လၤကပီၤအထူ အယိာ်န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.