ရိမ့ၤ 1:12 - Sgaw Karen Common Bible

¹² ဒ်ပစံးတၢ်အသိး, ပတၢ်ထံၣ်လိာ်ပသးကကဲထီၣ်တၢ်မၤစၢၤတဘျီဃီလၢသုဂီၢ်ဒီး ယဂီၢ်န့ၣ်လီၤ. ယတၢ်စူၢ်တၢ်နာ်ကမၤစၢၤသု, ဒီးသုတၢ်စူၢ်တၢ်နာ်ကမၤစၢၤယၤန့ၣ်လီၤ.

ရိမ့ၤ 1:12 Iomraidhean Croise

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

ရိမ့ၤ 1:11

အဂ့ၢ်မ့ၢ်လၢ, ယသးအိၣ်ထံၣ်ဘၣ်သုဒိၣ်မးဒ်သိးယကနီၤ ဟ့ၣ်သုလၢသးအတၢ်ဆိၣ်ဂ့ၤလၢတၢ်မၤဆူၣ်ထီၣ်သုဂံၢ် သုဘါအဂီၢ်န့ၣ်လီၤ.

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 15:24

ယမုၢ်လၢ်လၢယကလဲၤဘၣ်ယဲခဲအံၤလီၤ. ယသးအိၣ်ဆၢထံၣ်ဘၣ်သုလၢယတၢ်လဲၤလၢကျဲဆူကီၢ်စပၤနံဒီး ယသးအိၣ်လၢသုကမၤစၢၤယၤဒ်သိးယကလဲၤတုၤတၢ်လီၢ်ဝဲန့ၣ်, ဖဲယနုာ်လီၤအိၣ်သကိးသုတစိၢ်တလီၢ်ဝံၤအလီၢ်ခံန့ၣ်လီၤ.

ရိမ့ၤ 15:32

အန့ၣ်ဝံၤ, မ့ၢ်ဘၣ်ကစၢ်ယွၤအသးဒီး, ယကလဲၤဆူသုအိၣ်ပှဲၤဒီးတၢ်သးခုဒီးန့ၢ်ဂံၢ်န့ၢ်ဘါက့ၤလၢ ယတၢ်အိၣ်သကိးသုအပူၤန့ၣ်လီၤ.

၂ ကရံၣ်သူး 7:13

လၢတၢ်န့ၣ်အဃိ ပဂံၢ်ပဘါဘၣ်တၢ်ဒုးဆူၣ်ထီၣ်အီၤန့ၣ် လီၤ. တမ့ၢ်ထဲပဂံၢ်ပဘါဘၣ်တၢ်ဒုးဆူၣ်ထီၣ်အီၤဘၣ်. စီၤတံတူးဒုးသးခုမးပှၤခီဖျိအဝဲအတၢ်သူၣ်ခုသးခုလၢ ကျဲလၢသုဝဲကိးဂၤသုမၤဖှံထီၣ်အသးအဃိန့ၣ်လီၤ.

အ့းဖ့းစူး 4:5

ကစၢ်အိၣ်တဂၤဧိၤ, တၢ်စူၢ်တၢ်နာ်အိၣ်တမံၤဧိၤဒီးတၢ်ဒိးဘျၢ အိၣ်တမံၤဧိၤလီၤ.

၂ တံၤမသ့း 1:4

ယသ့ၣ်နီၣ်ထီၣ်က့ၤနမဲာ်ထံမဲာ်နိတဖၣ်, ဒီးယသးအိၣ်ထံၣ် ဘၣ်နၤဒိၣ်မးဒ်သိးယကလၢပှဲၤဒီးတၢ်သးခုအဂီၢ်န့ၣ်လီၤ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.