ရိမ့ၤ 1:1 - Sgaw Karen Common Bible

¹ လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 1:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ယၡါယၤ 49:1

ဒိကနၣ်ယၤတက့ၢ်, ပှၤကလုာ်တဖၣ်လၢအယံၤ, သုဝဲပှၤဂီၢ်မုၢ်တဖၣ်လၢအအိၣ်ဖးယံၤသ့ၣ်ဧၢ, တချုးလၢယအိၣ်ဖျဲၣ်ထီၣ်ဒံးဘၣ်ဒီးယွၤဃုထၢပာ်ထီၣ်တ့ၢ်ယၤလၢ ယကမ့ၢ်အခ့အပှၤလီၤ.

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်မၢ်ကူး 1:14

စီၤယိၤဟၣ်ဘၣ်တၢ်ဒၢနုာ်အီၤလၢဃိာ်ပူၤဝံၤအလီၢ်ခံ, ယ့ၣ်ၡူးဟဲဝဲဆူကီၢ်ကၤလံၤလါဒီးစံၣ်တဲၤတဲလီၤကစၢ်ယွၤ အတၢ်သးခုအကစီၣ်,

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

မၤတၢ် 13:9

တုၤနုၤတစုစီၤစီလူး (လၢအဘၣ်တၢ်သ့ၣ်ညါစ့ၢ်ကီးအီၤဒ်စီၤပီလူး) လၢထီၣ်ပှဲၤထီၣ်ဒီးသးစီဆှံန့ၣ်လီၤ. အဝဲဒၣ်ကွၢ်ပှၤမၤကဒါပှၤမဲာ် တဂၤန့ၣ်လိၤလိၤ

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 21:40

ပှၤသုးဖိတကထိအခိၣ်ဟ့ၣ်လီၤအခွဲးသတးဒီး, စီၤပီလူးဆၢထၢၣ်ဖဲဃီအခိၣ်ထိးဒီးဝံၢ်ဝၢ်အစုဆူပှၤဂီၢ် မုၢ်တဖၣ်အအိၣ်လီၤ. ဖဲအဝဲသ့ၣ်အိၣ်ဘှီၣ်လံန့ၣ်, စီၤပီလူးကတိၤတၢ်ဒီးအဝဲသ့ၣ်လၢဧ့ၤဘြံၤအကျိာ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 22:7

ယလီၤတဲာ်လၢဆၣ်ဖိကီၢ်ဖိလၢယဒိးအီၤတဒုအလိၤဆူဟီၣ် ခိၣ်လိၤဒီးနၢ်ဟူတၢ်ကလုၢ်သီၣ်ထီၣ်ဒီးစံးဘၣ်ယၤ, “စီၤစီလူးဧၢ, စီၤစီလူးဧၢ, ဘၣ်မနုၤအဃိနမၤအၢမၤနးယၤ လဲၣ်.”

မၤတၢ် 26:1

စီၤပၤအကြံးပၤစံးဘၣ်စီၤပီလူး, “နအိၣ်ဒီးတၢ်ပျဲလၢနကစံးကတိၤတၢ်လၢနဂီၢ်ဒၣ်နဲလီၤ.” စီၤပီလူးယူာ်ထီၣ်အစုဒီးကတိၤဒီဒၣ်အသးဒ်လၢလာ်အသိး လီၤ.

မၤတၢ် 26:14

ပဝဲကိးဂၤဒဲးပလီၤတဲာ်လၢဟီၣ်ခိၣ်လိၤဒီးယနၢ်ဟူတၢ် အကလုၢ်ကတိၤတၢ်ဒီးယၤလၢဧ့ၤဘြံၤအကျိာ်, ‘စီၤစီလူးဧၢ, စီၤစီလူးဧၢ, နမၤအၢမၤနးယၤဘၣ်မနုၤအဃိလဲၣ်. နမၤဘၣ်ဒိလီၤက့ၤနသးခီဖျိနမၤဆၢက့ၤတၢ်ဒ်ကျီၢ်တဒုထူဆၢကဒါက့ၤ အကစၢ်အသိးန့ၣ်လီၤ.’

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

ရိမ့ၤ 11:13

အခဲအံၤယကတိၤတၢ်ဒီးသုဝဲလၢ အမ့ၢ်ပှၤကလုာ်ဂၤတဖၣ်န့ၣ် လီၤ. ဒ်ယမ့ၢ်ဒံးပှၤတၢ်မၢဖိလၢပှၤကလုာ်ဂၤတဖၣ်အဂီၢ်အသိး, ယပာ်ကဖၢလၢယသးလၢယတၢ်မၤအပူၤလီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 1:1

လၢစီၤပီလူး, လၢအဘၣ်တၢ်ကိးအီၤခီဖျိကစၢ်ယွၤအတၢ်ဘၣ် အသး, ဒ်သိးအကကဲထီၣ်ယ့ၣ်ၡူးခရံာ်အတၢ်မၢဖိတဂၤ, ဒီးပဒီပုၢ်ဝဲၢ်စီၤစိၤစသ့ၣ်,

1 ကရံၣ်သူး 9:1

ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 11:5

ယတဆိကမိၣ်လၢယဆံးန့ၢ်သုပှၤလီၤတိၢ်လီၤဆီမးတဖၣ် လၢတၢ်ကိးအီၤလၢသု “ပှၤတၢ်မၢဖိတဖၣ်” ထဲတစဲး ဧိၤဒၣ်လဲာ်န့ၣ်ဘၣ်.

၂ ကရံၣ်သူး 11:7

ဖဲယစံၣ်တဲၤတဲလီၤကစၢ်ယွၤအတၢ်သးခုကစီၣ်ဆူသုအိၣ်န့ၣ်, ယတဃ့သုတၢ်ဘူးတၢ်လဲနီတမံၤဘၣ်. ယဆီၣ်လီၤယသးဒ်သိးသုကကဲထီၣ်ပှၤအကါဒိၣ်တဖၣ်လီၤ. အဝဲအံၤန့ၣ်, မ့ၢ်ယမၤကမၣ်တၢ်ဧါ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ကလၤတံ 1:1

လၢ, ပှၤလၢတၢ်ကိးအီၤလၢအကကဲထီၣ်တၢ်မၢဖိလၢ အတမ့ၢ်တၢ်ဟဲလၢပှၤကညီမ့တမ့ၢ်ခီဖျိပှၤကညီအဃိ ဘၣ်, မ့မ့ၢ်ဟဲလၢယ့ၣ်ၡူးခရံာ်ဒီးပၢ်ကစၢ်ယွၤလၢအဒုး ဂဲၤဆၢထၢၣ်က့ၤအီၤလၢတၢ်သံ ယၤ, စီၤပီလူးဒီး,

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

အ့းဖ့းစူး 1:13

သုဝဲလၢအနၢ်ဟူတ့ၢ်လံတၢ်မ့ၢ်တၢ်တီအကလုၢ်ကထါ, တၢ်သးခုအကစီၣ်လၢအဟဲစိာ်န့ၢ်သုတၢ်အုၣ်က့ၤခီၣ်က့ၤ ဒီးစူၢ်က့ၤနာ်က့ၤတ့ၢ်လံခရံာ်တဖၣ်စ့ၢ်ကီးသုဘၣ်တၢ်စဲ ပနီၣ်ဃာ်သုဒီးသးစီဆှံလၢအဘၣ်တၢ်စံးပာ်တ့ၢ်အီၤန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ဖံလံးပံၤ 2:11

ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

ကလီးစဲ 1:1

လၢ, စီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ် ယွၤအတၢ်ဘၣ်အသးဒီးပဒီပုၢ်ဝဲၢ်စီၤတံၤမသ့း,

ကလီးစဲ 1:25

ကစၢ်ယွၤဒုးကဲထီၣ်ယၤလၢတၢ်အိၣ်ဖှိၣ်အခ့အပှၤလၢယကမၤ တၢ်ဂ့ၤလၢသုဂီၢ်, ဒ်သိးယကစံၣ်တဲၤတဲလီၤကစၢ်ယွၤအတၢ်ကစီၣ်လၢလၢ ပှဲၤပှဲၤန့ၣ်လီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၁ သ့းစၤလနံ 2:8

မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤဒ်ကစၢ်ယွၤ ပတၢ်အုၣ်က့ၤခီၣ်က့ၤကစၢ်ဒီးယ့ၣ်ၡူးခရံာ်ပတၢ်မုၢ်လၢ်အတၢ် ဟ့ၣ်လီၤအကလုၢ်အသိး,

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

ဧ့ၤဘြံၤ 5:4

တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 22:6

တုၤနုၤတစုကလူးန့ၣ်စံးဘၣ်ယၤ, “တၢ်ကတိၤသ့ၣ်တဖၣ် အံၤမ့ၢ်ဝဲတီဝဲဒီးဘၣ်တၢ်နာ်န့ၢ်အီၤသ့ဝဲဒၣ်လီၤ. ဒီးကစၢ်ယွၤလၢအဟ့ၣ်အသးစီဆှံဆူဝံတဖၣ်န့ၣ်, ဆှၢလီၤအကလူးဒ်သိးအကဒုးနဲၣ်အဝဲဒၣ်အခ့အပှၤတဖၣ်, တၢ်လၢအကဘၣ်မၤအသးလၢတစိၢ်ဖိအတီၢ်ပူၤန့ၣ်လီၤ.”

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”