လံာ်လီၣ်ဖျါ 9:6 - Sgaw Karen Common Bible

⁶ ဖဲတၢ်ယဲၢ်လါအဆၢကတီၢ်အဝဲအံၤန့ၣ်, အဝဲသ့ၣ်ကဃုတၢ်သံဘၣ်ဆၣ်တထံၣ်န့ၢ်ဘၣ်အီၤဘၣ်, အဝဲသ့ၣ်ကအဲၣ်ဒိးသံဘၣ်ဆၣ်ဒီးတၢ်သံကဃ့ၢ်ကွံာ်လၢ အဝဲသ့ၣ်အအိၣ်လီၤ.

လံာ်လီၣ်ဖျါ 9:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:9

အန့ၣ်ဒီးအဝဲစံး, ဟဲဖဲအံၤဒီးမၤသံယၤတက့ၢ်. ယဘၣ်ဒိဘၣ်ထံးတ့ၢ်အၢအၢသီသီဒီးဘူးတ့ၢ်မးလၢယကသံလီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်လူၤကၣ် 23:30

အဝဲန့ၣ်ကမ့ၢ်ဆၢကတီၢ်ဖဲပှၤကစံးဘၣ်ကစၢၢ်ကလိတဖၣ်, ‘လီၤတဲာ်လၢပလိၤတက့ၢ်.’ ဒီးတၢ်လူၢ်တဖၣ်, ‘ပာ်ခူသူၣ်ပှၤတက့ၢ်’ န့ၣ်လီၤ.

လံာ်လီၣ်ဖျါ 6:16

အဝဲသ့ၣ်ကိးထီၣ်ဝဲဆူကစၢၢ်တဖၣ်ဒီးလၢၢ်ဧိၤလ့ဧိၤတဖၣ် အအိၣ်, “လီၤတဲာ်လၢပလိၤဒီးပာ်တဒၢပှၤလၢပှၤတဂၤလၢ အဆ့ၣ်နီၤလၢလီၢ်ပစိာ်အဖီခိၣ်တဂၤန့ၣ်အမဲာ်ဒီးလၢသိဖိ တဒုန့ၣ်အတၢ်သးထီၣ်န့ၣ်တက့ၢ်.