လံာ်လီၣ်ဖျါ 9:5 - Sgaw Karen Common Bible

⁵ တၢ်တဟ့ၣ်ဒွဲၣ်တဖၣ်န့ၣ်အခွဲးလၢအကမၤသံပှၤသ့ၣ်တဖၣ် န့ၣ်ဘၣ်. မ့မ့ၢ်, ကဘၣ်မၤဆူးမၤဆါဒၣ်အီၤနးနးကလဲာ်လၢယဲၢ်လါ အတီၢ်ပူၤလီၤ. တၢ်မၤဆူးမၤဆါတၢ်နးနးကလဲာ်တမံၤ အံၤဆါဝဲဒ်သိးပတ့ၤချဲးဆဲးပှၤဆါအသိးန့ၣ်လီၤ.

လံာ်လီၣ်ဖျါ 9:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:11

တဲဘၣ်အဝဲသ့ၣ်တက့ၢ်. ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသု ဖီခိၣ်လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲ, ယကတီၢ်သုလၢနီၣ်တီၢ်တဖၣ်လၢ ပှၤတီၢ်ဂီၤဖံးတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:14

အဝဲစံးဝဲ, “ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသုဖီခိၣ် လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲယကတီၢ်သုလၢနီၣ်တီၢ်တဖၣ်လၢပှၤတီၢ်ဂီၤဖံးန့ၣ်လီၤ.”

လံာ်စီၤယိၤဘး 2:6

ဒီးယွၤစံးဘၣ်မုၣ်ကီၤလံၢ်, “ဂ့ၤလံအဝဲဒၣ်အိၣ်လၢနစိက မီၤအဖီလာ်လီၤ. ဘၣ်ဆၣ်ဒီးနတဘၣ်မၤသံအီၤဘၣ်.”

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ဒၤနံးယ့လး 7:6

ဒီးဖဲယအိၣ်ခိးကွၢ်တၢ်အဖၢမုၢ်န့ၣ်, ဆၣ်ဖိကီၢ်ဖိအၢအၢသီ သီအဂၤတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲလီၤဂာ်ဒီးခ့စံၣ်ပိၣ် တဒုဘၣ်ဆၣ်ဒီးအိၣ်ဝဲဒီးအဒံးဆ့လွံၢ်ဘ့ၣ်လၢအချၢ, လီၤဂာ်ဒီးထိၣ်တဘ့ၣ်အဒံးဆ့တဖၣ်လီၤ. ဒီးအခိၣ်အိၣ်ဝဲဒၣ်လွံၢ်ဖျၢၣ်န့ၣ်လီၤ. အဝဲဖျါအိၣ်ဒီးပၢတၢ်အစိကမီၤန့ၣ်လီၤ.

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 13:5

တၢ်ဒူတၢ်ဃိၤန့ၣ်ဘၣ်တၢ်ဟ့ၣ်အီၤအခွဲးလၢအကကတိၤပာ်ဖျါ ထီၣ်အသးလၢတၢ်သးကဖၢလၢအပူၤအိၣ်ဒီးတၢ်ဒုၣ်ဒွဲၣ်မၤတရီ တပါကစၢ်ယွၤ, ဒီးတၢ်ဟ့ၣ်အီၤအခွဲးလၢကအိၣ်ဒီးတၢ်စိတၢ် ကမီၤလၢလွံၢ်ဆံခံလါအတီၢ်ပူၤန့ၣ်လီၤ.

လံာ်လီၣ်ဖျါ 13:7

တၢ်ဟ့ၣ်အီၤအခွဲးလၢအကဒုးတၢ်ထီဒါကစၢ်ယွၤ အပှၤဂီၢ်မုၢ်, ဒီးမၤနၢၤကွံာ်အဝဲသ့ၣ်, ဒီးတၢ်ဟ့ၣ်အီၤတၢ်စိတၢ်ကမီၤလၢကယဲၢ်ဒူၣ် ထၢ, ထံကီၢ်, ပှၤကတိၤကျိာ်တကျိာ်လၢ်လၢ်ဒီးပှၤကလုာ် တကလုာ်လၢ်လၢ်, အဖီခိၣ်န့ၣ်လီၤ.

လံာ်လီၣ်ဖျါ 9:10

အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.

လံာ်လီၣ်ဖျါ 9:3

ဒွဲၣ်တဖၣ်ဟဲထီၣ်လၢမ့ၣ်အူလၣ်အကျါဆူဟီၣ်ခိၣ်လိၤဒီး အဝဲသ့ၣ်ဘၣ်တၢ်ဟ့ၣ်အီၤတၢ်စိကမီၤတမံၤဃီလၢအအိၣ်ဒီး ပတ့ၤချဲးတဖၣ်န့ၣ်လီၤ.