လံာ်လီၣ်ဖျါ 9:2 - Sgaw Karen Common Bible

² ဆၣ်တဖျၢၣ်န့ၣ်အိးထီၣ်တၢ်ပူၤယိာ်, ဒီးမ့ၣ်အူလုၢ်ဟဲဖျိးထီၣ်ဒ်မ့ၣ်အူအလုၢ်ဟဲထီၣ်လၢ ဖၣ်ကပူၤဖးဒိၣ်တဖျၢၣ်အပူၤအသိးန့ၣ်လီၤ. မုၢ်အတၢ်ကပီၤဒီးတၢ်ဖးဖီခံးလီၤဝဲလၢမ့ၣ်အူလုၢ်လၢ အဟဲဖျိးထီၣ်လၢတၢ်ပူၤယိာ်အဃိန့ၣ်လီၤ.

လံာ်လီၣ်ဖျါ 9:2 Iomraidhean Croise

လံာ်တၢ်ကဲထီၣ်အခီၣ်ထံး 15:17

ဒီးတုၤမုၢ်လီၤနုာ်တ့ၢ်လံဒီးတၢ်ခံးလီၤယုၢ်ကလာ်န့ၣ်မ့ၣ်အူ လုၢ်အသပၢၤတဖျၢၣ်ဒီးဆှီကဲၤကပျီၤတဘိအိၣ်ဖျါထီၣ်သတူၢ်ကလာ် ခီဂာ်တ့ၢ်ဖဲဆၣ်ဖိကီၢ်ဖိအကူာ်တဖၣ်အဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ဒၤနံးယ့လး 3:6

ပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါထီၣ်တၢ်န့ၣ်ကဘၣ် တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤတဘျီဃီန့ၣ်လီၤ.”

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:30

လၢမုၢ်နံၤန့ၣ်ယကဟ့ၣ်တၢ်ဟ့ၣ်ပလီၢ်တဖၣ် အဂ့ၢ်လၢမူကပိာ်လိၤဒီးလၢဟီၣ်ခိၣ်ချၢန့ၣ်လီၤ. တၢ်ဂၢ်သွံၣ်ဂၢ်စီၤ, မ့ၣ်အူဒီးမ့ၣ်အူလုၣ်ခုၣ်ဒ်တၢ်အၢၣ်ကအိၣ်ဝဲဒၣ်န့ၣ်လီၤ.

မၤတၢ် 2:19

ယကမၤတၢ်လီၤလးတဖၣ်လၢမူကပိာ်လိၤ, ဒီးဒုးနဲၣ်ဖျါထီၣ်တၢ်ပနီၣ်လီၤလးတဖၣ်လၢ ဟီၣ်ခိၣ်ချၢလီၤ. တၢ်သွံၣ်, မ့ၣ်အူ, ဒီးမ့ၣ်အူလုၢ်ကအိၣ်ဝဲ,

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 16:10

အန့ၣ်ဝံၤအလီၢ်ခံကလူးယဲၢ်ဂၤတဂၤလူလီၤဂၢ်လီၤအသလၢ လၢတၢ်ဒူတၢ်ဃိၤအလီၢ်ပစိာ်အဖီခိၣ်လီၤ. တၢ်ခံးလီၤဝဲလၢတၢ်ဒူတၢ်ဃိၤအဘီအမုၢ် အပူၤ, ဒီးပှၤကညီတဖၣ်အ့ၣ်တံၢ်အပျ့ၤလၢအတၢ်နးတၢ်ဖှီၣ် အဃိလီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.

လံာ်လီၣ်ဖျါ 9:17

ဒီးလၢယတၢ်ထံၣ်တၢ်လၢညါခီအပူၤန့ၣ်ယထံၣ်ဘၣ်ကသ့ၣ် တဖၣ်, ဒီးပှၤလၢအဒိးအီၤတဖၣ်လီၤ. အဝဲသ့ၣ်အိၣ်ဒီးသဃိးတဖၣ်လၢအဂီၤဝဲဒ်မ့ၣ်အူအသိး, လါအဲးဝဲဒ်တၢ်မျၢ်နံၤလါ, ဒီးဘီဝဲဒ်ကးကမူၣ်အသိးန့ၣ်လီၤ. ကသ့ၣ်တဖၣ်အခိၣ်လီၤဂာ်ဒ်ခ့ယုၢ်အခိၣ်, ဒီးလၢအဝဲသ့ၣ် တဖၣ်အကိာ်ပူၤန့ၣ်, မ့ၣ်အူ, တၢ်အလုၢ်ခုၣ်ဒီးကးကမူၣ် ဟဲဖျိးထီၣ်ဝဲဒၣ်လီၤ.