လံာ်လီၣ်ဖျါ 9:19 - Sgaw Karen Common Bible

¹⁹ အဂ့ၢ်ဒ်အံၤ, ကသ့ၣ်တဖၣ်အစိကမီၤအိၣ်ဝဲဒၣ်လၢအဝဲသ့ၣ် အကိာ်ပူၤဒီးလၢအမဲၢ်အပူၤစ့ၢ်ကီးန့ၣ်လီၤ. အဝဲသ့ၣ်အမဲၢ်တဖၣ်မၤအသးဒ်ဂုၢ်သ့ၣ်လၢအအိၣ်ဒီးအခိၣ် တဖၣ်, ဒီးအဝဲသ့ၣ်သူအီၤလၢအကမၤဆူးမၤဆါပှၤကညီ တဖၣ်အဂီၢ်လီၤ.

လံာ်လီၣ်ဖျါ 9:19 Iomraidhean Croise

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

လံာ်လီၣ်ဖျါ 9:10

အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.

လံာ်လီၣ်ဖျါ 9:18

ပှၤဟီၣ်ခိၣ်ဖိသၢပူတပူသံကွံာ်ဝဲဒၣ်လၢတၢ်သံသတြိာ် သၢမံၤအံၤအဃိ, မ့ၣ်အူ, တၢ်အလုၢ်ခုၣ်, ဒီးကးကမူၣ်တဖၣ်လၢအဟဲဖျိးထီၣ်လၢကသ့ၣ်တဖၣ်အကိာ်ပူၤ အဃိန့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.