လံာ်လီၣ်ဖျါ 9:11 - Sgaw Karen Common Bible

¹¹ အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.

လံာ်လီၣ်ဖျါ 9:11 Iomraidhean Croise

လံာ်စီၤယိၤဘး 26:6

တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.

လံာ်စီၤယိၤဘး 28:22

တၢ်သံဒီးတၢ်ဟးဂူာ်ဟးဂီၤဒၣ်လဲာ်အၢၣ်လီၤဝဲဒၣ်လၢအနၢ် ဟူတ့ၢ်ထဲတၢ်ကစီၣ်ပစိၣ်ပစ့ဧိၤန့ၣ်လီၤ.

လံာ်စီၤယိၤဘး 31:12

တၢ်အံၤကမ့ၢ်မ့ၣ်အူလၢအအီၣ်တၢ်တုၤလၢပှၤသံတဖၣ်အလီၢ် ဒီးအီၣ်ကွံာ်ကယဲၢ်တၢ်အိၣ်ဒီးယၤခဲလၢာ်န့ၣ်လီၤ.

စံးထီၣ်ပတြၢၤ 88:11

မ့ၢ်နတၢ်အဲၣ်ဂၢၢ်ကျၢၤဘၣ်တၢ်စံးကတိၤအဂ့ၢ်လၢ တၢ်သွၣ်ခိၣ်အပူၤ, မ့တမ့ၢ်နတၢ်သူၣ်တီသးလိၤလၢ တၢ်ဟးဂီၤအလီၢ်န့ၣ်ဧါ.

တၢ်ကတိၤဒိ. 15:11

တၢ်သံအကီၢ်ဒီးလရာ်န့ၣ်အိၣ်အိးထီၣ်အသးလၢယွၤအမဲာ်ညါလီၤ. မၤသးဒ်န့ၣ်ဒီးပှၤကညီပာ်ခူသူၣ်အတၢ်ဆိကမိၣ်တဖၣ်လၢယွၤအမဲာ်ညါ ကသ့ဒ်လဲၣ်.

လံာ်လူၤကၣ် 8:31

တၢ်နါတဖၣ်ဃ့ကညးယ့ၣ်ၡူးဒ်သိးအသုတဒုးလဲၤလီၤ အဝဲသ့ၣ်ဆူတၢ်ယိာ်ပူၤတဂ့ၤအဂီၢ်န့ၣ်လီၤ.

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 16:16

တုၤနုၤတစုသးတဖၣ်ဟဲဆှၢစီၤပၤတဖၣ်တပူၤဃီဖဲတၢ်လီၢ် တတီၤလၢအဘၣ်တၢ်ကိးအီၤလၢဧ့ၤဘြံၤ အကျိာ်လၢအၢ်မက့းဒိၣ် န့ၣ်လီၤ.