လံာ်လီၣ်ဖျါ 9:10 - Sgaw Karen Common Bible

¹⁰ အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.

လံာ်လီၣ်ဖျါ 9:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:11

တဲဘၣ်အဝဲသ့ၣ်တက့ၢ်. ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသု ဖီခိၣ်လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲ, ယကတီၢ်သုလၢနီၣ်တီၢ်တဖၣ်လၢ ပှၤတီၢ်ဂီၤဖံးတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:14

အဝဲစံးဝဲ, “ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသုဖီခိၣ် လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲယကတီၢ်သုလၢနီၣ်တီၢ်တဖၣ်လၢပှၤတီၢ်ဂီၤဖံးန့ၣ်လီၤ.”

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်လူၤကၣ် 11:12

မ့တမ့ၢ်ဘၣ်ဒီးမ့ၢ်ဃ့တၢ်အဒံၣ်တဖျၢၣ်န့ၣ်, ကဟ့ၣ်အီၤလၢပတ့ၤချဲးတဘိဧါ.

လံာ်လီၣ်ဖျါ 9:19

အဂ့ၢ်ဒ်အံၤ, ကသ့ၣ်တဖၣ်အစိကမီၤအိၣ်ဝဲဒၣ်လၢအဝဲသ့ၣ် အကိာ်ပူၤဒီးလၢအမဲၢ်အပူၤစ့ၢ်ကီးန့ၣ်လီၤ. အဝဲသ့ၣ်အမဲၢ်တဖၣ်မၤအသးဒ်ဂုၢ်သ့ၣ်လၢအအိၣ်ဒီးအခိၣ် တဖၣ်, ဒီးအဝဲသ့ၣ်သူအီၤလၢအကမၤဆူးမၤဆါပှၤကညီ တဖၣ်အဂီၢ်လီၤ.

လံာ်လီၣ်ဖျါ 9:3

ဒွဲၣ်တဖၣ်ဟဲထီၣ်လၢမ့ၣ်အူလၣ်အကျါဆူဟီၣ်ခိၣ်လိၤဒီး အဝဲသ့ၣ်ဘၣ်တၢ်ဟ့ၣ်အီၤတၢ်စိကမီၤတမံၤဃီလၢအအိၣ်ဒီး ပတ့ၤချဲးတဖၣ်န့ၣ်လီၤ.

လံာ်လီၣ်ဖျါ 9:5

တၢ်တဟ့ၣ်ဒွဲၣ်တဖၣ်န့ၣ်အခွဲးလၢအကမၤသံပှၤသ့ၣ်တဖၣ် န့ၣ်ဘၣ်. မ့မ့ၢ်, ကဘၣ်မၤဆူးမၤဆါဒၣ်အီၤနးနးကလဲာ်လၢယဲၢ်လါ အတီၢ်ပူၤလီၤ. တၢ်မၤဆူးမၤဆါတၢ်နးနးကလဲာ်တမံၤ အံၤဆါဝဲဒ်သိးပတ့ၤချဲးဆဲးပှၤဆါအသိးန့ၣ်လီၤ.