လံာ်လီၣ်ဖျါ 8:9 - Sgaw Karen Common Bible

⁹ တၢ်မူတၢ်ဂဲၤလၢပီၣ်လဲၣ်ပူၤသၢပူတပူသံကွံာ်ဝဲဒၣ်, ဒီးကဘီတဖၣ်အသၢပူတပူဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်လီၣ်ဖျါ 8:9 Iomraidhean Croise

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 7:21

ညၣ်အိၣ်လၢထံကျိနံၤလါအပူၤတဖၣ်သံဝဲ, ဒီးနၢအုၣ်ဝဲတုၤဒၣ် လဲာ်ပှၤအဲၤကူပတူးဖိတဖၣ်အီထံန့ၣ်တသ့လၢၤဘၣ်လီၤ. ဒီးတၢ်သွံၣ်အိၣ်ဝဲလၢတၢ်လီၢ်ကိးပူၤဒဲးလၢကီၢ်အဲၤကူပတူး အပူၤန့ၣ်လီၤ.

လံာ်ယၡါယၤ 2:16

အဝဲကမၤလီၤဘျၢကွံာ်ကဘီလၢအဒိၣ်ကတၢၢ်ဒီးအဃံလၤ ကတၢၢ်တဖၣ်ဒၣ်လဲာ်န့ၣ်လီၤ.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်စကၤရယၤ 13:8

ယကဒုးတၢ်ထီဒါယပှၤဂီၢ်မုၢ်, ဒီးလၢကီၢ်ဒီဘ့ၣ်ညါအပူၤန့ၣ်, ပှၤဂီၢ်မုၢ်သၢပူခံပူကသံဝဲဒၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 16:3

အန့ၣ်ဝံၤအလီၢ်ခံကလူးခံဂၤတဂၤလူလီၤဂၢ်လီၤအသလၢ လၢပီၣ်လဲၣ်ပူၤလီၤ. ထံကဲထီၣ်ဒ်ပှၤသံတဂၤအသွံၣ်အသိး, ဒီးကယဲၢ်တၢ်ဖိတၢ်လံၤအိၣ်ဒီးအသးသမူလၢပီၣ်လဲၣ်အပူၤ တဖၣ်သံဝဲလီၤ.

လံာ်လီၣ်ဖျါ 8:10

အန့ၣ်ဝံၤဒီးကလူးသၢဂၤတဂၤအူထီၣ်အကွဲၤန့ၣ်လီၤ. ဆၣ်ဖးဒိၣ်တဖျၢၣ်, လၢအကပီၤဝဲဒ်ဆှီတဘိအသိး, ဟဲလီၤတဲာ်လၢမူကပိာ်လိၤဒီးလီၤဝဲလၢထံကျိတဖၣ် အသၢပူတပူအဖီခိၣ်, ဒီးလၢထံမူထီၣ်ပၢၢ်တဖၣ်အဖီခိၣ်လီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 8:7

ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.

လံာ်လီၣ်ဖျါ 9:15

ကလူးလွံၢ်ဂၤန့ၣ်, ဘၣ်တၢ်ပျၢ်လီၤကွံာ်အီၤလီၤ. အဝဲသ့ၣ်ဘၣ်တၢ်ကတဲာ်ကတီၤပာ်အီၤလီၤဆီဒၣ်တၢ်လၢနၣ်ရံၣ်အံၤ, နံၤသီ, လါဒီးနံၣ်အံၤအဂီၢ်, ဒ်သိးအကမၤသံကွံာ်ပှၤဟီၣ်ခိၣ်ဖိ သၢပူတပူန့ၣ်လီၤ.

လံာ်လီၣ်ဖျါ 9:18

ပှၤဟီၣ်ခိၣ်ဖိသၢပူတပူသံကွံာ်ဝဲဒၣ်လၢတၢ်သံသတြိာ် သၢမံၤအံၤအဃိ, မ့ၣ်အူ, တၢ်အလုၢ်ခုၣ်, ဒီးကးကမူၣ်တဖၣ်လၢအဟဲဖျိးထီၣ်လၢကသ့ၣ်တဖၣ်အကိာ်ပူၤ အဃိန့ၣ်လီၤ.