လံာ်လီၣ်ဖျါ 8:7 - Sgaw Karen Common Bible

⁷ ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.

လံာ်လီၣ်ဖျါ 8:7 Iomraidhean Croise

စံးထီၣ်ပတြၢၤ 105:32

လၢတၢ်စူၤအလီၢ်န့ၣ် အဝဲဟ့ၣ်လီၤသူၣ် ဒီးလီဝၢ်ဒံးလၢ ထံကီၢ်အဖီခိၣ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 32:19

(ဘၣ်ဆၣ်သူၣ်ကလီၤဝဲလၢသ့ၣ်ဒိၣ်ပှၢ်တီၣ်တဖၣ်အလိၤ, ဒီးဝ့ၢ်န့ၣ်ကဘၣ်တၢ်မၤလီၤပှီၢ်ကွံာ်အီၤန့ၣ်လီၤ.)

လံာ်ယဃ့းစက့လး 38:22

ယကစံၣ်ညီၣ်အီၤလၢတၢ်ဆူးတၢ်ဆါဒီးတၢ်ဂၢ်သွံၣ်ဂၢ်စီၤန့ၣ်လီၤ. ဒီးယကလူလီၤမူခိၣ်အထံယွၤဆူၣ်ဃုာ်ဒီးသူၣ်အိၣ်ဒီးမ့ၣ်အူဒီးကး ကလူလီၤဂၢ်လီၤအသးလၢအလိၤ, ဒီးလၢအသုးမုၢ်ဒီးပှၤကလုာ် တဖၣ်လၢအိၣ်လၢအဝဲအအိၣ်တခီအလိၤန့ၣ်လီၤ.

လံာ်ယိၤအ့လး 2:30

လၢမုၢ်နံၤန့ၣ်ယကဟ့ၣ်တၢ်ဟ့ၣ်ပလီၢ်တဖၣ် အဂ့ၢ်လၢမူကပိာ်လိၤဒီးလၢဟီၣ်ခိၣ်ချၢန့ၣ်လီၤ. တၢ်ဂၢ်သွံၣ်ဂၢ်စီၤ, မ့ၣ်အူဒီးမ့ၣ်အူလုၣ်ခုၣ်ဒ်တၢ်အၢၣ်ကအိၣ်ဝဲဒၣ်န့ၣ်လီၤ.

ယၤကိာ် 1:11

မုၢ်ဟဲထီၣ်ဒီးအတၢ်ကိၢ်လၢအဆူၣ်န့ၣ်မၤဃ့ထီကွံာ်နီၣ်ဧိၤမံၤဧိၤဒီး အဖီလီၤဆှု ကွံာ်ဒီးအတၢ်ဃံတၢ်လၤဟးဂီၤကွံာ်ဝဲန့ၣ်လီၤ. ဒ်န့ၣ်အသိး, ပှၤထူးပှၤတီၤကဘၣ်တၢ်မၤဟးဂီၤအီၤဖဲ အဝဲလဲၤက့ၤဖံးမၤတၢ်အဆၢကတီၢ်န့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 16:2

ကလူးတၢတဂၤလဲၤဒီးဂၢ်လီၤအသလၢလၢဟီၣ်ခိၣ်ချၢလီၤ. တၢ်ပူၤလီၢ်ပူၤကျဲလၢအလီၤပျံၤလီၤဖုးဒီးအဆါမးတဖၣ် ဟဲထီၣ်လၢပှၤအိၣ်ဒီးတၢ်ဒူတၢ်ဃိၤအပနီၣ်တဖၣ်အလိၤ, ဒီးလၢပှၤဘါတၢ်ဒူတၢ်ဃိၤအက့ၢ်အဂီၤတဖၣ်အလိၤန့ၣ်လီၤ.

လံာ်လီၣ်ဖျါ 16:21

တၢ်စူၤလီၤသူၣ်ဖးဒိၣ်တဖၣ်, လၢတဖျၢၣ်ဒီးတဖျၢၣ်ဃၢဝဲသၢမၢ ဃၣ်ဃၣ်, ဒီးဟဲလီၤဝဲလၢမူခိၣ်ဒီးလီၤဘၣ်ပှၤကညီတဖၣ်တုၤ ဒၣ်လဲာ်အဆိၣ်အၢကစၢ်ယွၤလၢတၢ်သံသတြိာ်ဘၣ်ဃးဒီးသူၣ်, အဂ့ၢ်မ့ၢ်လၢအမ့ၢ်ဝဲတၢ်သံသတြိာ်လီၤပျံၤလီၤဖုးတမံၤ အဃိန့ၣ်လီၤ.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.

လံာ်လီၣ်ဖျါ 7:1

တၢ်မၤအသးတမံၤအံၤဝံၤအလီၢ်ခံန့ၣ်, ယထံၣ်ကလူးလွံၢ်ဂၤအိၣ်ဆၢထၢၣ်ဖဲဟီၣ်ခိၣ်အနၢၣ်လွံၢ်နၢၣ်, ဒီးဒ်သိးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်တထူၣ်ထူၣ်မ့ၢ်ဂ့ၤ, ကလံၤအသုတအူဘၣ်အီၤတဂ့ၤအဂီၢ်န့ၣ်တြီဃာ်ဝဲဒၣ်ကလံၤလွံၢ် ကျိၤန့ၣ်လီၤ.

လံာ်လီၣ်ဖျါ 9:15

ကလူးလွံၢ်ဂၤန့ၣ်, ဘၣ်တၢ်ပျၢ်လီၤကွံာ်အီၤလီၤ. အဝဲသ့ၣ်ဘၣ်တၢ်ကတဲာ်ကတီၤပာ်အီၤလီၤဆီဒၣ်တၢ်လၢနၣ်ရံၣ်အံၤ, နံၤသီ, လါဒီးနံၣ်အံၤအဂီၢ်, ဒ်သိးအကမၤသံကွံာ်ပှၤဟီၣ်ခိၣ်ဖိ သၢပူတပူန့ၣ်လီၤ.

လံာ်လီၣ်ဖျါ 9:18

ပှၤဟီၣ်ခိၣ်ဖိသၢပူတပူသံကွံာ်ဝဲဒၣ်လၢတၢ်သံသတြိာ် သၢမံၤအံၤအဃိ, မ့ၣ်အူ, တၢ်အလုၢ်ခုၣ်, ဒီးကးကမူၣ်တဖၣ်လၢအဟဲဖျိးထီၣ်လၢကသ့ၣ်တဖၣ်အကိာ်ပူၤ အဃိန့ၣ်လီၤ.

လံာ်လီၣ်ဖျါ 9:4

အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.