လံာ်လီၣ်ဖျါ 8:5 - Sgaw Karen Common Bible

⁵ အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.

လံာ်လီၣ်ဖျါ 8:5 Iomraidhean Croise

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

စံးထီၣ်ပတြၢၤ 18:13

ဒီးယွၤဒုးသီၣ်ထီၣ်တၢ်ဒ်လီသီၣ်အသိးလၢမူခိၣ်, ဒီးတၢ်ထီကတၢၢ်မၤသီၣ်ထီၣ်အကလုၢ်လီၤ.

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 66:6

ဒိကနၣ်, တၢ်သီၣ်ဖးဒိၣ်လၢဝ့ၢ်အပူၤဒီးတၢ်အသီၣ်လၢတၢ် လုၢ်ဟံၣ်ပူၤန့ၣ်တက့ၢ်. မ့ၢ်ယွၤအတၢ်စံၣ်ညီၣ်အဒုၣ်အဒါတဖၣ် အတၢ်သီၣ်န့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 24:7

ပှၤတကလုာ်ဒီးတကလုာ်ကထီဒါလိာ်အသး, ဘီမုၢ်တဘ့ၣ်ဒီးတဘ့ၣ်ကဒုးလိာ်ယၤလိာ်အသး, တၢ်သၣ်ဝံၤလီၤဒိတဖၣ်ကအိၣ်ထီၣ်, ဒီးဟီၣ်ခိၣ်ကဟူးဝးဝဲသကုၤဆးဒးလီၤ.

လံာ်လူၤကၣ် 12:49

ယဟဲစိာ်မ့ၣ်အူဆူဟီၣ်ခိၣ်လီၤ. ယဆၢမုၢ်လၢ်မးယဲလၢအက ကဲၤထီၣ်ပာ်စၢၤတ့ၢ်လံဝဲန့ၣ်လီၤ.

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 8:3

ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.